السلام عليكم ورحمة الله وبركاته


مساء/ صباح الخير


أخواني وأخواتي حابة استشيركم بموضوع ضروري والصراحة انا دايما اتابع المواضيع صح ما أشارك بس دايما اقرا مواضيع المنتدى

درست في جامعة وجلست في سكن جامعي لمدة أربع سنين وكانت معي صديقتي اللي كنت اعتبرها من أختي هي تكبرني بسنه مرات احس انها انانية بس لها صفات تغفر لها هذي الصفة وهي تخرجت قبلي بسنة وماشاء الله تزوجت والحين عندها بنتين الله يخليهم لها .......
بالصدفة توظفنا بنفس المكان بس بديت احس انها تغيرت بشكل كبير مدري صارت تحاول تضايقني بكل كلمة تقولها وتتعمد تجرحني وخاصة قدام زميلاتي ويمكن انا مقدر ازعل شخص وماعرف وش ارد عليها واليوم صار موقف حسيت انها تقصد تضايقني بقوة مدري وش اسوي معها انا كنت اعزها بس بتصرفاتها تخليني اكرهها صرت اتعامل معها رسمي ومع ذلك لحد الحين تجرحني بكلامها سواء انها تعلق على لبسي او على تصرفاتي او حتى انها تعلق على اي شي بس الهدف من ورا كله انها تضايقني انا ابي افهم هي ليش تسوي كذا معي

طولت عليكم ،، اتمنى اللي عنده راي وآسفة اذا كان الموضوع مو مرتبة افكاره افكاري مشتته ومااعرف اعبر كثير بالكلام