ساعة واحده رياضه في الأسبوع فقط ماتكفي ابدا ابدا ابدا .. لازم ساعه يوميه على الأقل ..
وعشان تفهمي كلامي هذا أكثر وتفهمي ليه خسرتي نصف كيلو فقط راح أحسبها لك بالأرقام ..
كل 7 سعره حراريه محروقه = جرام واحد ناقص من الوزن ..
كيلو واحد ناقص = 7000 سعره حراريه مبذوله ..
كيلو واحد ناقص = 15 ساعه رياضه مبذوله ..
طيب أنا سبق وقلت لك جسمك يحتاج فقط 1300 سعره عشان يقوم بجميع وظائفه الحيويه كلها ..
لنفترض أنك في ريجيمك هذا تتناولي 800 سعره يوميا ..
1300 - 800 = 500 سعره .. يعني جسمك يحرق يوميا 500 سعره من مخزونه عشان يكمل السعرات الناقصه لديه ..
طيب لو حسبتي مجموع مايحرقه جسمك في الأسبوع كامل .. 500 × 7 = 3500 سعره
ولو حولتي عدد السعرات هذه إلى جرامات ..
3500 ÷ 7 = 500 جم يعني مجموع وزنك الناقص راح يكون نصف كيلو فقط ..
فهمتي الحين ليش نزلتي نصف كيلو فقط ..
لكن لو كنت مارستي رياضه يوميه لمده ساعه أقل شئ كما نصحتك سابقا فراح تضمني أنك تحرقي يوميا مابين 300 إلي 500 سعره إضافيه ..
ولنفترض أنك تحرقين يوميا مايعادل 500 سعره في نشاط رياضي = نصف كيلو أقل من مجموع وزنك في الأسبوع ..
وكلما رفعتي عدد ساعات الرياضه في الأسبوع كلما خسرتي من وزنك أكثر ..
حبيبتي خسران الوزن ماهو أمر سهل ومايتم في أسبوع واحد أو اثنين ..
__________________
