اقتباس:
المشاركة الأصلية كتبت بواسطة سعاد 2000
طالعه من بيت ابوها واهي نفسيتها تعبانه على ما اظن من طريقة تحيتها لي ففتحت معاها الموضوع وسألتها
السلام عليكم
طالما انك لاحظتي عليها هالشي تلك الليلة ليش فتحتي الموضوع ومثل ما قلتي حتى جو البيت كان في ضيوف ومثل هالشي يعني لا المكان ولا الحالة النفسية تسمح
يعني اخترتي التوقيت غير المناسب
برأي انك حساسة وقلوقة زيادة
خلي الامور تمشي مثل ما الله كاتب ولا تستبقي الامور
شوفي حينما يكتمل بيتكم اللي فوق بيت عمك خلاص انتقلوا للعيش فيه فورآ ووفروا فلوس الاجار وجمعوها
ثانيآ : لا تفرطوا ابدآ ابدآ في الشقة اللي حاجزينها لانها الضمان الوحيد
ثالثآ : لما يتقسم الميراث وخلاص ماعاد ليكم بيت فوق بيت عمك انتقلوا لشقتكم المحجوزة واذا لم تكن جاهزة معليش خدو اجار لحتى تجهز هكذا تكوني راضيتي جمييييع الاطراف دون ان يزعل منك اي احد
واذا تقسم الميراث وبقى بيتكم ولم يخرجكم احد منه وبقى لكم وصار بيتكم ليكم خلاص اجروه لاي احد وانتقلوا لشقتكم المحجوزة وانتفعوا من اجار بيت زوجك وهكذا يكون لكم دخل شهري من بيت زوجك اللي فوق بيت عمك
يعني الشقة تنفع في كل الامور
واذا طلع البيت في الميراث ولم تنتفعوا منه فخلاص تكوني الفترة اللي جلستوا فيه وفرتوا حق الاجار وارتحتوا من الاجارات شوي
واذا قسموا الميراث وشقتكم المحجوزة لم تجهز بعد فأطلبوا منهم ان يقدروا وضعكم و انكم ما عندكم مكان تروحوه وخلوهم يأجلوا فكرة التقسيم لحتى تجهز شقتكم وتنتقلوا لها وهكذا وفرتوا فلوس الاجار وانتقلتوا لشقتكم دون ان تتعذبوا في البحث عن سكن ولن تحتاجي ان تسكني لا عند اخته ولا لاي احد
عزيزتي لا تقلقي وانتي بنفسك قلتي زوجك ما يثبت على رأي يعني ممكن كل شي يتغير فما تحملي نفسك فوق طاقتك
وبالنسبة لطلب زوجك ان تعتذري من اخته وصراخه فكان ردة فعل لما شاف بكاء اخته
انا شايفة ان المشكلة بسيطة وانتي ليكي اسبوع في هم وما تستاهل كل هالشي مشي الحياة فيها امور اكبر من هالاشياء تستاهل مننا القلق والاهتمام
موفقة
|
أختي انتي فهمتي بعض موضوعي غلط ..
انا لما فتحت معاها الموضوع كان سؤال عادي وما يستدعي للصراخ والبكاء وكان الموضوع طازج واهي كانت طالعه من بيت عمي وراجعه بيتهم ..والموضوع الثاني ان البيت اللي ساكنين فيه بيت عمي اهو ( بيت الجد) يعني زوجي يطلع حفيد بين ألف حفيد لأعمامه ..ولو قسموا الملك ما راح يصير لزوجي شي راح يكون لعمي واخوان عمي مهو بواحد ولا اثنين اضافة إلى العمات ..
ما فهمت عليك بسالفة الآجار شلون نأجر واهي شقه فوق بيت عمي ...واذا كان قصدك الشقه اللي ننتظرها تكمل في بنايه فشلون نأجرها اذا احنا راح نتأجرها اصلاً ؟؟
كل السالفه إني ساكنه مع زوجي حاليا في شقه وعرفنا ان هناك شقق راح يعملوها في بنايه وبتكون رخيصه نوعا ما فحجزنا لنا شقه ...المشكله إني اذا وافقت اسكن في( بيت الجد) راح يجي يوم ونطلع منها وبتكون في نفس الوقت الشقه اللي كنا حاجزينها راح لناس غيرنا وين نروح على وجهنا بعدين....وتحياتي لك اختي سعاد
انا ما يهمني الموضوع كثر ما يهمني زوجي ..اختها بتدخلاتها في حياتنا واصرارها بتحسسني بصغر قيمة زوجي لانه من النوع اللي بسرعه يتروج له ..ولها عدة مواقف معاي مع اصرارها ..