لالالا .. ليش تسوي في نفسك كذا

طيب واذا انتحرت على بالك بترتاح

مافي راحة على طول في نار جهنم بدون لا حساب ولا شي

وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيماً {29} وَمَن يَفْعَلْ ذَلِكَ عُدْوَاناً وَظُلْماً فَسَوْفَ نُصْلِيهِ نَاراً وَكَانَ ذَلِكَ

عَلَى اللّهِ يَسِيراً {30}

ابعد عنك فكرة الانتحار لأنها فكرة سخيفة .. وهي فكرة ضعاف النفوس .. الذين لا يوجد مكان لمحبة الله في قلوبهم

الله ارحم بيك من نفسك

ولا في مشكلة الا ولها حل ..

وسمنتك لها حل .. العلم تطور الحين

روح مستشفيات .. اكشف على نفسك .. شوف شنو سبب سمنتك

هل هي من الأكل والا من قلة الحركة والا هرمونات

لا تصير سلبي كذا وتقعد تندب حظك وانت ما تحرك ساكن لحل مشكلتك

بدل أن تلعن الظلام أضئ مصباحاً في الطريق

تحرك .. رروح شوف حل لمشكلتك .. الدموع اسهل شي

في واحد دايماً اشوفه سمين .. مرت سنين وهذا جسمه ..

وحتى شكله بجد يخوف من السمنه

في الفترة الأخيرة ما عرفته من التغير الي حصل له

حتى ملامح وجهه تغيرت .. كله تغيرت 180 درجة

بس شنو الي خلاه يتغير .. أنه سعى وتحرك مو مثلك حاول الانتحار

خلك انسان قوي بعزيمتك واردتك وراح تعمل المعجزات

( اتحسبُ أنك جرم صغير وفيك انطوى العالم الأكبرُ )

الانسان بإرادته الصلبة يزلزل الجبال فكيف بكومة شحوم

انفض عنك غبار اليأس والاستكانة والضعف ..

وحدد موعد مع طبيب مختص تثق فيه وتوكل على الله وابدأ من الان .. لا تتأخر ولا دقيقة

خاصة وأن عندك هدف وهو الزواج .. وانا أعتقد أنه أكبر حافز لك ..

لو نحفت وطلعت ملامح وجهك .. مراح تتردد اي بنت بالموافقه عليك

وذا كنت صاحب دين وخلق بمجرد انها تشوفك بترتاح نفسياً لك وبتحس بانشراح لوجودك

لأنك أزلت كافة المنفرات الي تنفر البنات منك

أبدأ من الأن .. تحرك .. أعمل .. ثابر .. مراح يكون الا الخير

__________________