جيب المفاجآت لكسر الروتين الممل
السلام عليكم ورحمة الله وبركاته
حبيت اكتب في هالمنتدى اللي استفدت منه الكثير
وبدخل بالموضوع على طول والله انا مليت من الليالي الرومنسيه والشموع
فمع بحثي المتواصل عن الحركات الجديده واللي تكسر الروتين وقعت على الحركه الجميله والاهم انها اعجبت ابو الشباب
الحركه هي
ياطويلة العمر المطلوب :
* قطعة قماش على شكل جيب انا اشتريتها من ابو ريالين روعه تعلقيها على باب غرفة النوم.
* هدايا متفرقه ومتنوعه مثال: (مسواك,شريط كست أسلامي محاضره أو قران أو شعر,قلم,كتيب للأذكار,كبكات,عطر,دهن عود,حلاوه, ريال,بسكويت, مصحف , عباره رومنسيه
أو عباره تكتبي فيها خيرها في غيرها,..........الخ )
زيدونا أفكار لاني حابه أرجع اسوي هالفكره
الطريقه.عليك كل يوم بعد مايصحى من النوم ورايح لدوام يمر علي هالجيب وياخذ المقسوم وهذه على حسب المده اللي محددتها مثلا شهر, والافضل الاغراض تكون كلها كامله وموجوده في مكان مايعرفه زوجك
وقبل ماتنامي تحطيها في الجيب وحتى لو كنتوا متخاصمين والله رووعه وتكسر الروتين .واذا نسى وما أخذها خذى اللي فيها وقولي راحت عليك
.)
وممكن الزوج من يقوم بعرض الفكره على زوجته ويطبقها.
دعواتكم ان الله يسخر لي زوجي ويصلح لي أولادي
تم تعديل العنوان ليتضح المضمون
الإشراف
التعديل الأخير تم بواسطة أطيـــــــاف ; 16-02-2010 الساعة 12:30 AM