أختي .. موقف (لا انساني) على الإطلاق .. فعلاً يوجد ناس ما تعرف الأصول في التعامل والإنسانية ..

بس ..

في اوقات يصير موقف لناس ما نعرفهم .. ويتصرفون تصرف معين ويكون ما له معني وما يعجبنا ونحكم عليهم لأننا ما نعرفهم وما نعرف ظروفهم صح؟؟ يعني يمكن تكون الخادمة متعشية في البيت قبل لا تجي !! ما ندري صح؟؟

بالنسبة لي كنت آخذ شغالتي معاي في كل طلعة وآخذ لها وجبة حالها حالي وحال عيالي ليما صار موقف خلاني اوقف وما آخذها خلاص ...........!!!

كنا رايحين مجمع فيه عدة مطاعم .. خذيت لعيالي ولها وجبات سريعة من مطعم .. وزوجي اخذ سندويشة بسيطة كلش من مطعم ثاني .. وآخر شي آنه خذيت لي من مطعم .. طبعا جهزت الوجبات بالترتيب .. جبنا اكلها واكل عيالي اول .. وجلسنا ننتظر اكلنا .. تخيلو .. اول ما اكلت من السندويشة (خذيت لها مثل ولدي بالضبط) .. وهي تاكل قال ان السندويشة طعمها مو حلو (طرار ويتشرط) .. بس كملتها كلهااااا .. ولدي اكل نص سندويشتة .. وبعدين قالي ماما ما ابي .. والله العظيم من كمل كلامة وقبل ما اقول كلمة .. مدت يدها وسحبت السندويشة من يد ولدي وقال (اوكي اوكي) وكلتها !!!!!!!!!!!!!!! يااااربي حسيت بقهرررر ..

المهم ترى ما كملت .. كل هذا واكلي للحين ما جا ... لما وصل اكلي كان تأخر والكل أكل أكلة .. قامت تطالعني بقهر .. تشوف اكلي غير عن اكلهم !! يعني ما تحمد ربها على النعمة .. وظلت خافسة وجهها ليما وصلنا البيت .. آنه سكتت .. بس بعدين اشوف زوجي يقولي ترى آخر مرة نطلعها .. ما شفتيها اشلون ذابحة روحها على اللأكل وقامت تطالعك بقهر !!!! يعني حتى زوجي لاحظ .. مع اني والله العظيم .. في اوقات اخلي لها غذا او عشا اكثر مني .. وياما خليت لها غدا وانا ما اتغدى .. ما يهمني والله بس ابي ما اظلمها عشان الله يرحمني وهي في ذمتي .. وهي تشوف .. بس هذي طبع بعض الناس ((إذا اكرمت الكريم ملكتة واذا اكرمت اللئيم تمردا)) ..

المهم، لا تخلين في ذمتك .. اتوقع متعشية او في لها عشا في البيت ومحد يموت من الجوع في ديرتنا .. بس في خدم ترى كل يسوون روحهم مساكين .. كل يبون يبون يبون .. ما يشبعون .. وودهم ياخذون ثيابك من الطمع ..


سوري إذا طولت ..

تحياتي ..