اول اشي الله يرحمها
تاني اشي هوة ماعمل اشي حرام اكيد لكن الوفاء حلو
يعني والله صعبة
عالاقل عشان خاطر اولاده
كيف بدو يروح يفرح مش عارفة
عارفة شو المشكلة
المشكلة انو بالعادة والتقاليد لما يموت احد الجيران وفي بيت قريب منهم عرس بيروحو يستازنو ازا يعمل العرس او لا
واحيانا مابعملو العرس وبنتظرو الاربعين
هادا وهما جيران

وكمان الواحد لو ربى في بيتو حيوان اليف (مع فارق التشبيه اكيد وبعده عن الانسان المكرم من رب العالمين)
الا انو لوو مات هالحيوان والله الواحد بفقدو و بزعل عليه و بحس بفراغ
هادا وهوة حيوان مالو حق علينا بعد م مات
فمش فاهمة كيف بروح يجري يتجوز وهوة بالوضع هادا

بالنهاية هوة ماعمل حرام وماخان حد لكن نفسيا و اجتماعيا مالها طعم

بعدين لو وحدة جوزها الي مات
والله لو جابت سيرة الزواج بعد سنة ولا تلاتة ولا عشرة حيحكولها استحي عحالك بهالعمر وبتدوري عالزواج
هادا لو كبيرة شوي
ولو صغيرة حيحكولها لو طلبت الزواج بدري شوفو مسدقت المسكين يموت وراحت تدور عغيرو
ولا حيقولو وين حتترك ولادها شو هالامهات هاي
كانو مالها حق والرجل هوة الي الو الحق

الو حق الزواج مااختلفنا بس يستنا شوي
يعني مش قادرة استوعب طيب هوة مش زعلان مش حزين عليها يعني
انو فترة 40 لاتكفي لنسيان انسان بنحبو فكيف الزوجة وعشرة عمر يعني غريب عالاقل مفروض يكون حزين شوي

لله في خلقه شؤون

زوج خالتي الي توفت من سنتين ونص حزن جدا لما توفت
وصار يبكي زي الصغار
ويقول راحت الغالية وين اروح انا
ويبكييييييي
ومن بعدها زي المسكين عامل
بائس
وحاسس انو وحيد
هوة كبير ماشاءالله في ااواخر ال60
واولادو كللللللهم تزوجو وانجبو عايشين والهم حياتهم الخاصة
لو تزوج معاه حق بدو حد يونسو
بس لحد الان ماتزوج
وبس بحب امي وخالاتي برا بزوجته الي ماتت
وبس يتكلمو معاه تلفون يسالو عليه ويطمنو بقول اهلا بفلانة اهلا ياغالية انت من غلاوة المرحومة
باختصار حالته تقطع القلب



حتى في حياتها كان يخدمها ويعمللها كل شي لانها مرضت مرض عضال لمدة مايقارب 15 سنة او اقل
ماقرف منها ولابعد ولادور غيرها
خدمها بعينيه

فسبحان الله في هيك وهيك
بس اشكال هالرحل الي في الموضوع اكيد اكتر من النوع الوفي


سامحنيي طولت

بس الله يكون في عون الاطفال المساكين

__________________