حبيباتى الرشيقات
السلام عليكم
أولا مبروك حبيبتى love of life على النزول الجامد ده وبصراحة برافو عليكى استمرى وربنا معانا كلنا
حبوبتى أم جوجو ولا يهمك أنا أصلا كنت متوقعه النتيجة دى الاسبوع ده بعد ريجيم الخضار لأن جسمنا بيكون اتهلك من الاسبوع اللى فات ونزل فبيعوض النزول الاسبوع ده فى الوزن ولكن كما لاحظتى النزول هذا الاسبوع كان بالقياس وهذا شيئ ممتاز وظاهرة صحية يعنى ولا يهمك بالعكس انتى ماشيه صح جدا ولكن انتبهى النهارده وجبة واحدة فقط اللى مفتوحة وليس اليوم كله وكلى فيها اللى انتى عايزاه بس وجبة واحده ماشى
أختى الغربة مره ولا يهمك من عدم نزول الوزن ولو كنتى بقى لك فى الرجيم اكثر من 17 اسبوع يبقى نصيحة اعملى يوم مفتوح النهارده
أختى لمسة حنونه كلام اختنا love of life مضبوط جدا ونصيحة أخويه بلاش الرجيم ده وفكرى فيها بالعقل كده ........ احنا بنعمل رجيم ليه علشان نخسس من الدهون اللى فى جسمنا ولا من الماء ........ طبعا من الدهون لأن دى هى المشكله وهى اللى بتعمل كل الأضرار الصحية ........ انتى بقى رجيمك معتمد على البروتينات والدهون يبقى اللى بتخسيه ماء ليس الا وهترجعى اول ما تسيبى الرجيم جسمك هيستعيد الماء اللى فقدة وتبقى اسمن من الأول .......... ده غير الدهون العاليه اللى هتبقى اتكونت فى دمك وقلبك ...... يا حبيبتى احسن رجيم غير مضر بالمرة ولا نستعيد منه وزننا السابق لما نتركه هو رجيم السعرات ........ ايه رأيك تبدأى تمشى معانا من الاسبوع ده ......يالله مستنياكى. وشدى حيلك.
أختى منت عاجبنى ........ الكورن فليكس لا يضر بالرجيم ولكن يجب أخذه بكمية معينه ومع حليب قليل الدسم ومحلى بالعسل او السكر الدايت وعندئذ لن نسمن منه ........ اتمنى لكى التوفيق
أما عن أخبارى أنا فالحمد لله نزلت هذا الاسبوع بوند واحد يعنى حوالى نصف كيلو اى اصبحت 151 بوند يعنى 68،4 كيلو بس اعتقد ان البطئ هذا بسبب الدورة لأن أول يوم لها النهارده وهى دايما بتسبب لى حبس سوائل بالجسم والله أعلم عموما الحمد لله انا متفائلة ومستمرة باذن الله
كمان التوتر عامل رئيسى لعدم نزول الوزن فعلا فخذوا بالكم
دلوقتى هأنزل لكم رجيم الاسبوع الجاى ابتداءا من السبت للى عايزه تتابع معايا


الفطار والعشاء ثابت كل الأيام
فطــار : 3 كوب ماء يومياُ على الريق وقبل الوجبة بربع ساعة
ملعقة عسل نحل
شاى او نسكافيه بلبن خالى الدسم مع سكر دايت أو كوب لبن خالي الدسم
قطعة جبنة بيضاء أو بيضة مسلوقة أو 3 ملاعق فول بدون زيت
رغيف عيش سن أو 2 توست سن أو ربع رغيف بلدي
غــداء : 3 كوب ماء قبل الوجبة ب 1/2ساعة
1/4فرخة مسلوقة أو مشوية + خضار نئxنئ أو مسلوق + 4 ملاعق أرز + سلطة خضراء (1طماطم)
تانى يوم: شريحة لحم مشوي أو مسلوق + خضار + 4 ملاعق أرز + سلطة خضراء
ثالث يوم: علبة تونة + سلطة خضراء + رغيف سن
رابع يوم
1/2ك سمك مشوي + 4 ملاعق أرز + سلطة خضراء
خامس يوم
1/4فرخة + سلطة خضراء
سادس يوم
علبة تونة + سلطة خضراء + رغيف سن
سابع يوم
8 ملاعق فول + سلطة خضراء + رغيف سن

عشـاء : 3 كوب ماء قبل الوجبة ب 1/2ساعة
علبة زبادي + ثمرة فاكهة أو
جبنة بيضاء + 1توست سن