السلام عليكم ،،،، أنا حابه أّاذكر لكم مشكله أختي وابيكم تساعدوني وتشورون علي أوكي أنا عندي أخت أكبر مني بكم سنه عمرها 23 سنه تقريبا مشكلتها أنها أول ماكانت بالثانوي ماكان عندها جوال لان عادات عايلتنا البنت ماتاخذ جوال الا بالجامعه طبعا هي بعد ماخلصت الثانوي أشترت لها جوال لزوم تكلم صديقاتها وكذا لكن بعد كم شهر جت لها مضايقات من شباب وكذا طبعا أحنا تصرفنا ونحلت المشكله لكن لاسف كان واحد من اللي يلعب عليها عنده أسلوب شلون يكسب البنت عشان تكلمه المهم هو طبعا قام يرسل لها على أساس تكون بينهم سوالف وكذا طبعا هي شوي شوي بدات تندمج معه لكن أنا ماعرفت منها لان مستحيل راح تقولي السالفه لكن أنا لاحظت عليها كثره الرسايل اللي تجيها وغير كذا ماترضي أحد يمسك جوالها وغير الرقم القفل اللي حاطته بجوالها برغم أن مو متعودين عليها هالحركات وصدفه كانت حاطه جوالها عندي كنت وقتها عرفت شنو الرقم سري أخذت الجوال وقعدت أقرا الرسايل بينهم طبعا الرسايل كلها سوالف وكذا بعدها قعدت اكلمها وانصحها لكن مافي فايده الوالده أساسا كانت شاكه لكن ماخبرتها بحاجه لين ماتاكد من هالشي بالفعل تاكدت من هالامر وعلمت أمي برضوا نفس الشي تسكتنا وتروح ترسل من ورانا أو أذا كنا مشغولين تروح الغرفه وتقفل عليها وتجلس ترسل المهم العلاقه أستمرتت يمكن أكثر من سنتين وعلى هالحال بصراحه مافي شي يفيد معها طبيعتها عصبيه ماتتقبل تسمع كلام أحد وماتقتنع بشي يمكن أنا أكثر وحده تسمع لكلامي بس هالامر ماحسيت أني قادره أقنع بكلامي تعرفون صعبه الوحده تتقبل من أختها الصغيره خصوصا النصايح وكذا للعلم العلاقه مع ...... اللي تكلمه برسايل والمسن وبس المهم أحين أبيكم تساعدووني أختي أحين مخطووووبه وباقي كم شهر وتكون على ذمه زوووج و أبي هالفتره أحل مشكلتها أبي شي يقنعها أمي عطتني هالمهمه لاني مثل ماقلت تسمع لي بعض الامور لكن ماني قادره كيف فكرت أني أقولها خذي شريحه الجوال وأحرقيها وحطي جوال ثاني لكن أخاف تكون حافظه الرقم وترجع مره ثانيه ترسل أنا أبيه تقتنع لابد وخلاص اللي راح راح من أياام المراهقه واللعب مراح نحاسبها على شي فاتوراح ,اهم شي هالايام الجايه مدري وش مصير هامع هاللجوال ؟؟؟؟؟