منتدى عالم الأسرة والمجتمع - عرض مشاركة واحدة

05-04-2009, 10:09 PM

#19

ماريا

عضو المنتدى الفخري

تاريخ التسجيل: Jul 2006

المشاركات: 10,538

اقتباس:

المشاركة الأصلية كتبت بواسطة سمو الأميرة

طيب ممكن اأسألكم سؤال ..

اليوم 11 من الدورة يعتبر من أيام الأمان للي دورتهم كل 33 يوم .. صح هذه المعلومة ولا لا ؟؟

يعني ممكن يصير حمل في اليوم 11 من الدورة ولا لا ؟؟

أنا كمان عندي لخبطة في عمر البيبي ...

أحس اني حملت في اليوم ال 18 من الدورة ... وهما على كلامهم ان الحمل صار في اليوم 11 من الدورة .. !!

غريبة أنا اللي اعرفه إن اليوم هذا ما يصير حمل ولو الحيوان المنوي يعيش أيام كان ماصار في أيام أمان أصلا

بالله أفيديوني

مع العلم أني لما كنت أستخدم طريقة العد ماصار حمل أبدا أيام الأمان

وسؤال تاني

هل عمر السونار يكون أكيد أكيد ولا بيكبروه شوية ؟؟

أختي بالنسبة للعمر اللي بيعطيه السونار بصراحة انا كتير أحيانا عم بستغربه
في حملي الأول صغرولي ابني 10 ايام و هذا يعني انه الاباضة كانت باليوم الـ 24 و هذا شبه مستحيل و بصراحة كان معهم حق لأني ولدت بعد 15 يوم من حسابات الدورة يعني حتى تأخرت عن حسابات السونار 5 أيام لكن ابني كان واضح عليه انه متأخر بسبب جفاف جلده الشديد لما انولد

إحدى صديقاتي عطوها موعد الولادة بكير كتير بحيث انه يوم الاباضة عندها كان باليوم الرابع من الدورة و هذا مستحيل أيضاً لأنها كانت لسا بالدورة ضحكت كتير من الموعد لكن ولدت في أول اسبوع من التاسع

و بالعكس صديقتي التانية على حساب الدورة لازم تولد ب8-4 و على السونار 28-4 يعني 20 يوم متأخر

السونار يعتمد في الحساب على قياس حجم الجنين و هذا يختلف من جنين لآخر في أجنة أحجامهم أكبر و في أقل
و على كل حال دائما بقولولك انك لازم تولدي بين الأسبوع الـ37 و الـ42 دليل انه كله محتمل

بالنسبة لليوم الـ11 قد لا يكون آمن لو صار اباضة مبكرة خاصة اذا عاش الحيوان المنوي في الرحم بضع أيام حتى صارت الاباضة
لا تستغربي أبداً
انا كانت دورتي كل 36 إلى 40 يوم و صار الحمل بسبب جماع في اليوم الـ9 تخيلي !!
طبعاً انا انصدمت لأني كل عمري و انا زابطة معي طريقة العد و باخد احتياط من اليوم العاشر لل 22
فلا تستغربي اللي صار معك
بتبقى ارادة رب العالمين أقوى من كل حساباتنا و من كل موانع الحمل
اذا ربك كاتبها لك رح تحملي لو شو ما عملتي

__________________
.
.

استودعتك أهلي في سوريا يا من لا تضيع ودائعه