حطيتي يدك على الجرح عزيزتي
كنت أقول ما ضرب عيالي إن شاء الله وهذا اسلوب مايربي العكس
وهو شيء يستخدمه اللي ماعندهم حيلة والضعاف
بس جبت بنتي عدت السنة الأولى على خير
لكن بعدها كثر الاستكشاف وكثر الخطأ والعناد مع إنها أشياء طبيعية في هذا العمر
وصار إني أضربها على ايدها بعد ما أكون طول اليوم معاها وأمسك نفسي
ولا على رجلها وقت ما ألبسها الحفاظة تقعد تلعب وتركل برجلها بقوة
وأقولها ياحبيبتي شوي بس نخلص ونلعب مافي فايدة
وأكررها ولا في فايدة تجي الضربة توقفها
كثير أشياء بهذه الطريقة
تقهرني إني ما أضربها على طول وأحاول معها بأكثر من جملة وما تسمع وبعدين أرفع صوتي وتسمع
مادري ليش كذا ؟؟
حتى لو حاولت أشغلها وأغير انتباها ما يجيب نتيجة دائما تصير بعض المرات تعاند وتصر على الشيء اللي تبى تسويه
خفيت ضرب كثير مع انه أساسا مو كثير لكن صاير ابوها يضربها أحيانا وضربه مو كثير بعد
لكن البنت تعلمت الضرب
وإذا حاولنا نتماسك ونصير هاديين تبدأ هي تطبق الصراخ والضرب ( تضربنا )
وهذا نتيجة تعاملنا معاها
أدري انه خطأ لكن الحين المفروض أصلح هذه الأمور ومو عارفة كيف
صراحة شوي وأبكي لين قلت لها قبل كم يوم " حبيبتي لا تسمحين أحد يضربك "
قالت " بس ماما و بابا "
أحس مرات إننا وحوش ما نستحق نكون أباء وأمهات
صحيح الضرب نادر لكن رفع الصوت يعني مو قليل ولا طول الوقت متوسط
لكن هذا ما ينفع مع أطفال بعمر سنتين ونص
وكل الأشياء اللي سبق قرأت عنها ما أقدر أطبقها كلها أو إنها ما تجيب نتيجة أو إني مطبقتها خطا
الله يعين بس
لكن في حالتك حاولي ما تضربينها أحسن يمكن بترجع تطبق الضرب بشكل أكبر على أخوها وتصير مثل بنتي تضرب فيكم
حاولي انك تشغليها تخلينها تساعدك أي شيء
وربي يعينك
وإن شاء الله أخوات عندهم خبرة أكثر وأفضل يساعدونك
التعديل الأخير تم بواسطة colors ; 07-04-2009 الساعة 01:02 PM