منتدى عالم الأسرة والمجتمع - عرض مشاركة واحدة

07-04-2009, 01:55 PM

#110

sa33

قلب المنتدى النابض

تاريخ التسجيل: Aug 2003

المشاركات: 2,588

صباح الخير يا احلى رشيقات
مالكم .......... فينكم
شايفه نوم رهيب ومافيش اى نشاط
يالله حالا قوموا اعملوا رياضه واتنشطوا ونشطوا الصفحة بأخباركم مع الرجيم
امبارح سمعت الحلقة الاسبوعية من برنامج الرجيم وقلت أقول لكم النهارده على اهم نقط جات فيها
كانت بتتكلم عن السمنه المفرطة وسئل الدكتور كيف نعرف ان شخص معين عنده سمنه مفرطة ؟ فقال الدكتور معلومات غريبه أول مره اعرفها
قال نقسم الطول على 100
نفرض ان الطول 165 على 100 الناتج هو 1.6
نضرب الناتج فى نفسة بمعنى 1.6فى1.6 الناتج هو 2.56
نفرض ان الوزن 57كيلو جرام
نقسم الوزن 57على2,56 الناتج هو22,2
اذا كان الناتج تحت 20 فهذا اقل من الطبيعى
اما اذا كان من 20-25فهذا فى الطبيعى وعليكى المحافظة على هذا الوزن
اما اذاكان من25-30فهذا بداية السمنة فاحذرى
اما اذا كان من30-35فهذا مؤشر للسمنة فعليكى التوجة الى عمل برنامج للرجيم
اما اذا كان من35-40فهذا مؤشر للبدانة والسمنة المفرطة
وقال كمان ان بالنسبة للستات يقيسوا مقاس خصرهم ان طلع اكبر من 88 سم يبقى عندهم سمنه مفرطة تخيلوا ....
وكمان اتكلم عن خل التفاح وعن فوائده وقال انه مفيد جدا للتخسيس بشرط الشخص ما يكونش عنده اى تعب بالمعده او قرحة فيكون مضر له لكن لو معدته سليمة يبقى يأخذ ملعقتين شاى خل تفاح على كوب ماء قبل كل وجبة بنصف ساعة وقال ان فايدته انه بيعطى شعور بالشبع لمده طويله جدا وليس انه بيحرق الدهون كما يعتقد البعض
وقال كمان انه مفيد للبشره ولمنع التعرق للناس اللى عندها عرق كثير والناس اللى بيعانوا من التعرق الليلى فقال بعد ما نأخذ شور ندهن بخل التفاح تحت الابطين وفى جميع المناطق التى تعانى من التعرق الزائد وقال ان ده هيحسن الرائحة جدا
وكمان اتكلم عن نقطة مهمة جدا وهى ان واحده اتصلت وسألته هل ممكن تستبدل الخبز فى الرجيم بثلاث ملاعق رز مثلا فقال لها لأ هى ممكن تستبدل الخبز بالمكرونه لأنهم من نفس الفصيلة وهى الدقيق أما الرز فهو نبات تانى خالص فما ينفعش نستبدل الرز بالعيش ولا العكس فى الرجيم وده كمان خطأ انا كنت بأرتكبه لحد امبارح لأنى كنت بأبدل العيش بالرز دايما فى وجبة الغداء وده يعلمنا اننا ما نغيرش اى حاجه فى جدول الرجيم من نفسنا علشان نلاقى النتيجة المضبوطة فى النهاية.
أتمنى تكونوا استفدتوا زى ما انا استفدت

التعديل الأخير تم بواسطة sa33 ; 07-04-2009 الساعة 02:05 PM