معلش اختي اذا الاسم مو سيء لا تغيروه و حاولي تتأقلمي انتي مع الاسم حتى اذا كبر الولد هو بقرر يغيره اذا مو حابو أو يحتفظ فيه
الموقف هذا حصل بعائلتي مع اختي لما تدخلوا عماتي (أخوات أبي ) و صاروا ينادوني أنا و أختي و عمرنا ساعات (نحن توأم) باسماء جدتي (جدتي لها اسمين ..اسم بالحكومة و اسم متعارف بين الناس) كانت (جدتي) فرحانة كتير بهالشي و أمي كانت يا دوب صاحية من التخدير (تخدير عام) و هم كانوا سمونا و خلصوا و الاسمين كانوا مووووووووو حلوين و قديميييين
و من قوتهم لما أبي قال لهم انتو سموا وحدة و التانية بتسميها أمها ... اختاروا اختي لأنه ظنوا أني رح أموت بسبب قلة وزني كنت أنحف من اختي
و مرت الأيام و اختي كانت معقدة مع اسمها حتى وصلت لعمر الـ 14 و قررت أنها تغير اسمها و تعمله مشابه لاسمي
و مع كل رفض أبي كلنا وقفنا معها و غيرته الحمد لله
كل اللي حصل كان قاسي كتير على أمي اللي تعذبت بحملها و ولادتها قعدت 6 ايام في المشفى ...لكنها صبرت و حاولت كل عمرها تخفف عن اختي و ما تشعرها انه اسمها مو حلو لكن الناس كانوا يحسسوها يقولوا ليش اسم اختك احلى من اسمك
و بالنهاية انتصرت اختي و حتى الآن عماتي معارضين لتغيير الاسم مع انه من 14 سنة تغير اسم اختي و الكل نسي الاسم القديم إلا عماتي
هم بحاولوا ينادوها الاسم القديم و نحن نسينااااااااه
و مع ذلك نحن كلنا مطنشين و محافظين على علاقتنا فيهم على أفضل وجه
فكري للأمام و المستقبل و انسي اللي صار لأنه رح تتعبي كتير
الحزازيات هذه بين العائلتين لا بد من حصولها
لكن بما انك انتي طيبة جداً و حماتك قوية خليكي راقية بتعاملك معهم
و لا تخلي الماضي يأثر على علاقتك فيهم او علاقة زوجك فيكي و فيهم
كل ما شاف زوجك انك متسامحة و ناسية الماضي رح يحبك اكتر
احمدي ربك انه ولد لأنه اسماء الولاد كلها حلوة بشكل عام
لو كانت بنت كان أصعب بكتير
تخيلي لما يجيها خاطب يسأل عن اسمها يقولوا اسم يصدمه و كأنه بخطب وحدة عمرها 80 سنة
عفوا للاطالة لكني حبيت احكيلك قصة واقعية حتى تشوفي النعمة اللي انتي فيها
صدقيني كل ما بقيتي تتذكري اللي حصل كل ما كانت حياتك أسوأ و كل ما أكلتي هم أكتر انتي الخسرانة
الماضي راح و انتي أمامك الحاضر
طنشييييي
و خلي اللي حصل حجة و درس حتى تمنعيهم من تسمية باقي أطفالك
بالتوفيق
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 07-04-2009 الساعة 06:48 PM