أم جوجو حبيبتى كده هيبقى مؤشر كتلة الجسم عندك 27,5
واعملى لك يوم مفتوح ثم ارجعى تانى للرجيم هتلاقى نفسك بتنزلى ان شاء الله ولا تيأسى
أم لؤى مشكوره ياعمرى .......والله لك وحشه فينك من زمان .........اتجدعنى كده وبلاش النفسيه الوحشة وتفائلى بالخير تجديه .......روحى للدكتور واعملى التحاليل ولو طلعت المشكله فى الغدة الدرقية يبقى بسيطة وهتتحل باذن الله وأول ما تأخذى الدواء بتاعها هتلاقى نفسك بتنزلى فى الوزن من غير حاجه ......... يالله مستنية نتيجة تحاليلك وان شاء الله ماعندكالا العافيه.
حبوبتى باريسا لا تيأسى واتبعى نظام اليوم المفتوح وزودى من الرياضه على الأقل نصف ساعه زيادة عن اللى بتعمليه كل يوم هتشوفى النتيجة هتكون فورية باذن الله
دودى يادودى يا أحلى دودى أولا أهلا بكى معنا ومنورة الصفحة كلها ومزوداها بهجة
وثانيا الف حمد لله بسلامتك ياقمر وربنا يعوضك خير يارب والله انا دايما فاكراكى وبادعى لك ويارب تقومى من عملية التنظيف بألف خير ...... وشدى الهمة معانا احنا هنا ماعندناش هزار ........... هههههههه يالله ياقمر ربنا يوفقك ويوفقنا كلنا
حبيبتى الغربة مرة مشكورة على المعلومات القيمة وطمنينى عاملة ايه فى النزول الاسبوع ده يارب تكون النتيجة خير يارب
حبيبتى الأوزون ممكن تكتبى لى طولك ووزنك وانا احسب لك مؤشر كتلة جسمك وتحت امرك يا عسل
حبيباتى كنت بأتفرج على برنامج فى التلفزيون امبارح عن الرجيم والدكتوره أكدت فيه على شرب الماء وبكثرة حتى نحارب السمنة وقالت ان الماء بريئ تماما من اتهامه بتسبب الكرش فالأكل اللى بنأكله هو ما يسبب لنا السمنة وليس الماء وقالت معلومة جديدة اننا حتى لوشربنا الماء فى وسط الأكل مش غلط ابدا ولا بيسبب كرش زى ماكلنا فاكرين فنصيحتى لكم اشربوا ماء وبكثرة وبدون حساب فى اى وقت قبل ووسط وبعد الأكل فهو المنحف الطبيعى
ولا تنسوا ممارسة الرياضة
مع تمنياتى لكم بكل الصحة والرشاقة