اختي الغالية
وصفة رائعة فعلا
و الاكلة مصرية صميمة فعلا
و مشهورة عندنا
لكن فعلا انا استغربت انك سلقتيها
و احنا لا نضع عليها بيكنج باودر
و زمان كان لابد ان نذهب بمكونات الكفته الي الجزار ليقوم هو بفرم مكوناتها
لان الارز لا يطحن ناعم الا في مفرمة الجزار
و الان اصبحنا نكتفي بفرمها بالمنزل بنقع الارز و تجفيفه جيدا و طحنه و بيكون خشن طبعا
احنا طريقتنا اننا بنحمر الكفته في الزيت
و بعد التحمير نحتفظ بيها في الفريرز لحين الاستخدام بعدد الافراد اصابع كفته
و بنجهز لها صلصة
عبارة عن بصل و ثوم يحمر يضاف لها عصير الطماطم و مكعب مرقة
و في العاده بنضيف لها مكعبات بطاطس مقلية
اي الكفته مقلية و البطاطس مقلية و نضع الاثنين في التسبيكة و تترك حتي النضج
فعلا زمان كانت تعد في الافراح
و لي صديقة اقترحت عليا طريقة ظريفة جدا اننا نشتري دقيق الارز بدل ما نحطنه
انا لم اجربها بعد
لكن باذن الله لي تجربة معاها
و احنا بالاكثر و اغلب البيوت المصرية اثناء تحمير الكفته في الزيت بنخلص نصفها اكل
لكن طعمها بيكون خرافة
و علي العموم اضافة منك جميلة جدا
__________________
مبروك للمبدعات
و المشاركات في اقسام التغذية و الطبخ خلال شهر مارس 2010