منتدى عالم الأسرة والمجتمع - عرض مشاركة واحدة

10-04-2009, 07:37 PM

الاوزون

قلم مبدع

تاريخ التسجيل: Jun 2007

المشاركات: 2,488

وليمة العشاء عند (الاوزون)

السلام عليكم ورحمة الله وبركاته

كيفكم ياحلوات

البارح كان عندي عزيمة حريم وهي دوريه وكان الدور علي

وتمت ولله الحمد

وهذي الضيافه

والعشاء عبارة عن

كوزي (غوزي) اول مرة اعمله وكان لذيذ مررره

طريقة عمل الكوزي:

(الكوزي)

المقادير:
لحم
علبة زبادي
بهارات مطحونه (فلفل اسود -كمون-قرفه-زعفران)
ملح
بهارات حب (هيل -قرفه)
بصل مفروم
علبة معجون طماطم
2 او 3 طماطم معصورة
رز
مكرونه

للزينه (بيض مسلوق-طماطم شرائح-ليمون شرائح-زبيب ولوز محموس)

الطريقة:

تبلي اللحم ب(الزبادي_والبهارات المطحونه _ملح) نصف ساعة اقل شي

حطي في القدر زيت وكشني البصل مع البهارات الحب (الهيل-القرفه)والملح

وبعدها حطي اللحم وقلبيه شوي بعدها الطماطم والصلصه وقلبيها 3 دقايق

اضيفي الماء وخلي اللحم ساعة حتى يستوي

اذا استوى طلعيه بصينيه للتحمير

خذي من المرق للمكرونه واسلقيها

حطي الرز على باقي المرق وحطي شوية هيل مطحون

اذا استوى الرز والمكرونه جهزي صحن التقديم وحطي الرز والمكرونه عليه واللحم وحطي الزينه عليه

بسسسسسس.

جريش

ونوعين سلطه (سلطة بادنجان وبطاطس –سلطة خضراء)

سمبوسه

كبه جاهزه

نوعين حلى عشا (عملته اخت زوجي ووحده من الضيوف) الله يعطيهم العافيه

وسامحوني على الصور

كنت مستعجله مره وما قدرت اصور كل صنف على حدا

وابغى رأيكم يا بنات

ودمتم سالمين

التعديل الأخير تم بواسطة عشق عبادي ; 11-04-2009 الساعة 11:18 AM السبب: دمج الوصفة