السلام عليكم ورحمة الله وبركاته

اكيد انكم مليتوا مني ومن مشاكلي بس تحملوني ماعندي غيرك بعد الله اشكي همومي


الشيخ اعطى زوجي علاج يستخدمه وماء مقري فيه والحين أنا ابحرص عليه مرررة لان حالته مازادت الا بعد ماقرأ على أخته المسحورة ويقول الشيخ يمكن هو فيه شي وتأثر بالقراءة

ادعوا ان ربي يعينه على البرنامج اللي عطاه الشيخ
تخيلي ماان استقر الموضوع هذا وحسيت ان الفرج جاي يطلع لي موضوع آخر

الموضوع

زوجي سافر وماعلم أحد من أهله ابد وبحكم ان أخواني متزوجين قرايب زوجي على طول انتشر الخبر

أخوي متزوج بنت أخت زوجي قالت لاخوي ان خالي اللي (هو زوجي)

يتشكى من أختك ويقول انه مل من أختك وان اختك دايم مشغولة بدراستها وماتهتم به

ولاتهتم ببيتها علشان كذا سافر

تخيلوا ان زوجي ماقال لاحد من أهله انه مسافر وكان يقول لي مو لازم اذا دق عليك احد من اهلي تعلمينه اني مسافر وكانوا يدقون علي وانا ماارد

وأنا اعرف زوجي مو من النوع اللي يتشكى مني عند أهله ابدا وسبق طلعوا كلام وقالوا انه يقوله عني ولما درى عصب مرررررة وتهاوش معهم

الأمر الاخر انا دايم أسال زوجي ياابوفلان انا مقصر معك في شي ويقولي ابدا ماقصرتي

انا اهتم ببيتي والله وأهتم بعيالي والطبخ كله علي صح فيني بعض التقصير بس مو لدرجه ان زوجي يشتكي حسبي الله ونعم الوكيل قاعدين يطلعون اشاعات وهم مايدرون كيف الازمة اللي جالسه اعيشها

الله أعلم كيف أهتم به وأراعيه

ياناس أنا ادرس ماجستير وبحوث وواجبات يعني المسأله تحتاج جهد وزوجي رافض موضوع الشغالة ويقولي انت قايمه بكل شي مايحتاج
مو هنا المشكلة
المشكلة كيف اتعامل مع مرت أخوي كل شوي مطلعه علي كلام هي وأمها

بعد زواجي بشهر قالوا ان زوجي مايحبني واني مازلت بكر وانه ماجاه اكتئاب الا مني

لانه ماحبني

طبعا هو تهاوش معهم وصارت كبيرة


الحين وبما ان زوجي يمر بالوضع اللي عارفينه صعب جدا اقوله عن شي او اتأكد منه لاني عارفة انه ماقال وراح يتهاوش معهم خصوصا انه دايم يوصله كلام يقولونه لي على لسانه ويعصب على كذبهم ويقول ابروح اوقفهم عند حدهم وانا ارفض وصعب أكلمها لاني بنفس الوقت أنا عارفة أن اخوي هاليومين ناوي يتزوج ثانية وماودي اصير في وجه المدفع معها

طبعا هذا الكلام اللي وصلني

غير الكلام اللي اسمعه مباشرة ويقولونه في وجهي مهما تزينت ومهما اهتميت يقولون انتي ماتهتمين بشكلك لازم يطلعون شي في شكلي ولبسي علشان لبسي دايم ساتر يفكرون اني حتى عند زوجي هذا لبسي
ليه ماتشترين شنط كثيرة ليه ماتشترين ماركات (طبعا هذه امور متفقه فيها ان مع زوجي بسبب الوضع المادي )
ليه جوالك كذا يفشل مع ان كل هالأمور اتنازل عنها علشان أخوهم

عفواً تم تعديل العنوان ليتضح المضمون
الإشراف