الله يسامحك بس .. ما هكذا تورد الإبل !!
أول شي كوني حريصه في كلامك يعني في مثل هالمسأله .. صعبه جداً كلمتك وقويه .. وعدليها وانا واثق انك قدها وقدود دامك تقولين انك لبقه واسلوبك طيب .. والانسان يخطيء وانا اخوك والله يكفينا زلة اللسان وهذي عثرة لسان تقدرين تفهمين زوجك ان هذي زلة لسان وعاد قولي له من الكلام الطيب اللي يشرح خاطره انك على العين والراس واهلك بعد ومن هالكلام وانك ما كنتي تقصدين كذا وانه اذا ما تفهمتني انتي من اللي راح يفهمني ومن لي غيرك في هالدنيا يفهمني وهيك حكي ..
وبعدين لا تعقدين الامور كثير وتاخذين موقف من اهله من الحين وانتي ما بعد عرفتيهم .. ويمكن ان كلامه هذا بس يبي يشوف وضعك ويمكن ما تقابلينهم يومياً يعني يمكن بالغ في الأمر .. وحتى لو قابلتيهم يومياً خلي تعاملك معهم ذرب يعني ابوه مثل ابوك وامه مثل امك واخواته مثل اخواتك وكلها تجي باسلوب طيب وبكلمه ولسان طيبين .. ولا تعظمين الامور واذا تبين الشور طاوعيه ( يعني على امرك يا تاج راسي ) و ( انت الكل في الكل واذا ما مشيت في طوعك من اللي ابمشي في طوعه ) وصدقيني انه راح ينتفخ راسه ويستانس ولو تبين عيونه بيعطيك اياها .. لان اشوف ان معه الحق في كلامه ولا قال شي غلط واذا وافقتيه وكسبتي رضاه راح تقدرين تاخذين اللي تبينه منه ..
عسى الله يوفقك واتمنى التفكير الزايد ابتعدي عنه وانا اشوف ان سببه الوحيد هو وحدتك وجلوسك دايماً لحالك تثير لك افكار وحاجات مالها داعي وانتي انسانه عاقله وواعيه ولا بتحبطك هالامور العاديه ..
موفقه