المشاركة الأصلية كتبت بواسطة طيب وحالته حاله
كنت متوقع من اول ما قريت كلامك ان الامور راح ترجع تمام بس انتي كبرتي الموضوع الله يهديك ..
صحيح كبرته لأنه اعصابي تلفت...
تصدقين اني ضحكت هههه حسيتك رهيبه وتحبينه مرره الله يسعدك .. لكن الرجال لازم تفهمين نفسيته يا أختي يمكن كان يمر بظروف ماديه أو غيرها وبعدين الامور ما توصل انك تقولين لابوك وتبكين عنده وتقولين ابي ننفصل .. وترا هالفتره تحل لك امور واجد لانكم ما بعد تزوجتوا رسمي ودخل عليك يعني هالامور تفهمينها من الحين وتعرفين لها ..
أنا تسرعت كثير...وعرفت غلطتي وندمت جدا
لا هذا مو حق ابد ابد .. والرجال واضح انه يبيك وانه متعلق وانه كان في خاطره شي .. والمفروض يوم قال لك انا قريب وممكن اجيك ما رديتيه وهذا زاد الطين بله وفكر ان ماله قيمه عندك ..
وهاي غلطة أخرى
ولو ما يبيك كان ما قال لابوك ابشر يا عمي وما يصير خاطرك الا طيب .. والله انه صدق حنين وانه طيب الله يسعده .. وانتي بعد واضح انك تحبينه .. اصلا الاشياء اللي تذكرك فيه دايماً وانه ما يروح عن تفكيرك هذي بحد ذاتها ايجابيه جداً وتدل على انك تحبينه بعد انتي بس كابرتي والمكابر تراه غلط وفي مثل هالامور المفروض الانسان انه يتنازل عن اشياء كثيره ..
أحبه كثيرا جدا...والحمد لله على رجوعه لي
والمفروض في مثل هالمواقف تكونين ذكيه وتحاولين تخلينه يعلمك باللي في باله ووشهو اللي مضيق خاطره واذا شفتيه مثل ما قلتي يتأفف ومن هالكلام اتركيه يوم او يومين وبعدها ارسلي له رساله تطيب خاطره او اتصلي لان البعد شوي يخليه يفقدك واذا سمع صوتك ترجع له روحه .. وبعدين عاديه بعض الامور اللي انتي تفكرين انها مذله لك .. لا بالعكس هذي تضحيه واذا ما ضحيتي علشان خاطره من بتضحين له اجل .. وترا اللي ينصحك تتركينه ما يبي لك خير اذا تبين الصدق مع احترامي للي يقول لك كذا لان بعض الناس يفكر انه يقدم لك حاجه طيبه وهو ما يدري انه يدمر وضعك ..
خطيبي مو من طبعه اخفاء أي شي عني عشان كذا حسيت بالإهانة كونه كان غامض شوي في الفترة الأخيرة...وأنا اخطات بالإلحاح والضغط
خليك عاقله وذكيه والخرابيط اتركيها عنك وانا اخوك ترا هذا خطيبك << من باب معزه هالكلمه وربي .. وانصحك بشريط "فهم النفسيات" لجاسم المطوع ..
وترا اللي صار عادي جداً ويصير عند الكل وبالعكس يخلي الامور بينكم تصير تمام وتتعلقون ببعض اكثر والدليل انه تنازل وجا لبيتكم وحل كل شي وجبر بخاطرك عسى الله يجبر بخاطره والقلوب تصافت مع انه ما فيه شي اصلاً بس انتي ما عرفتي تتصرفين ..
عسى الله يوفقك ويستر عليك ..
|