المشاركة الأصلية كتبت بواسطة apple-green
يااختي هدي بالك .... الدعوة ماتسوى والمشكله موكبيرة لهذي الدرجه ...
حطي لها الاعذار ولاتحكمي على الناس بسرعه ... لوخايفه انك تحسديها ماكان قالتلك حتى بعد سؤالك ...صدقيني موبسهوله تلاقيي اصدقاء ...
تبين الصراحه من مقدمتك حسيت المساله مرة كبيرة وحسيت فيها انك انصدمتي بشرفهم اوشي ...انا ارجع واقولك ... كان عاتبتيها وقلتي وش دعوة انا اخر من يعلم ...
بقولك موقف صارلي..
في ولادتي الاخيرة انقطع جوالي وماكان فيه اتصال... خالتي ام زوجي تولت مهمة اخبار الاهل والمعارف بالولاده ...من ضمن اللي خبرتهم زوجة اخو بنت عمتي والسبب انها صديقة امها فخبرتها بالولاده وطبعا امها قالتلها ...
صادف ان البنت زارت بنت عمتي وقالت لها ماتدرين ان فلانه ولدت ... اللي هو انا ... بنت عمتي انصدمت .. ان مرت اخوها تدري وهي لا ...
ارسلت رساله وماخلت ولابقت ... وكتبت لي معقول الغريبه تدري وانا لا ؟؟؟؟ وسوت لي سوالف وزعلت .... تخيلي كل هذا في يوم واحد ...
ثاني يوم رجع جوالي واتصلت فها وعلمتها الموضوع وبينت عذري ان جوالي كان مقطوع وان خالتي جزاها الله خير هي اللي علمت ام زوجة اخوها لانها صديقتها ... وانا مالي يد في الموضوع ...
طبعا تفهمت موقفي مع اني مااشوف اي داعي لزعلتها ... بس كويس انها عاتبتني ولاحطت في قلبها ...
وارجع واقولك التمسي لها الاعذار ولاتستعجلي بالحكم عليها .... لان في ناس في طبعهم كتومين ... وهذي تكون صفه ماتقدر تغيرها...
|