السلام عليكم ورحمة الله وبركاته



حلى القهوة أخوات زوجي عملوه الله يعطيهم العافيه
وهذي الطريقه



الحلى الاول

سينابون خلية النحل





تعجني العجينه (3 كاس دقيق+نصف فنجان زيت +نصف فنجان سكر+كاس حليب سائل +ذرة ملح+ملعقة خميرة+نصف ملعقه بيكنج بودر) او أي عجينه انتي متعوده عليها

بعد ما تخمر خذي من العجينه كوره واحشيها بقطعة من جبنه كيري وكوريها
واغمشيها في قرفه مطحونه وصفيها في صينيه متحركه
حطيها في الفرن بعد ما تستوي طلعيها وخليها على جنب

في الخلاط حطي نصف علبة حليب نستله المحلى و6 حبات جبنه وبعد الخلط
صبيه على الخليه وزينيها بالهيرشي شيرة




الحلى الثاني


حلى التوست بالنارجين





الطبقه الاولى

7 شرائح توست منزوعة الاطراف

6 جبن كيري

نصف كوب جوز الهند (نارجين)

نصف كوب زيت

نصف كوب سكر

1 كوب ماء

ملعقه بكينج بودر

فانيليا

هذي المقادير في الخلاط وندهن صينيه بزيت ونصب الخليط فيها
وبالفرن الى ان تستوي وتشقر شوي من فوق نطلعها من الفرن


الطبقة الثانيه

علبة قشطه

2 كريم كراميل

ثلاث ارباع كاس ماء

ملعقة نسكافيه

تخلط في قدر وعلى نار هاديه الى ان تغلي

وبشويش تنحط على الطبقة الاولى

حطيها بالثلاجة الى ان تتماسك وتزين بشوكلاته مبشوره جالكسي

او هيرشي شيرة

هذا الحلى اول مره اذوقه وطعمه جنااان لازم تجربوه