المشاركة الأصلية كتبت بواسطة Cotton Candy

دكتور انا من حوالي ركبت اللولب اعتقد ملتيلود كنت بركب مرينا بس الدكتوره تقول مرينا زين يخفف الدم بس مشاكله وايد ممكن يقطع الدوره و هو بعد حاد في حريم ثقب لهم الرحم و يتحرك بسهوله
المهم انا دورتي 8 -10 ايام و من اول ما ركبت اللولب و الدم ما وقف يعني دم خفيف مخلوط بافرازات بيضه و مرات افرازات وايد بدون دم احس بقرف من نفسي
حتى ما احب انام مع زوجي بسبة الافرازات
ما ادري دكتور هل اشيل اللولب؟
لاني حتى في الحركه مقيده الدكتوره قالت لا تلعبين رياضه لا تتنططين لا ترقصين لا تحملين عيالك و حتى الله يعزك اوقات الامساك لا تتعصرين و حاسبي
و عندي الرحم مرتخي و نازل لاني جبت عيالي ورا بعض ابناء خلال سنين و نص
و لما حطت الدكتوره اللولب شافت عنق الرحم مفتوح ما ادري هل هذا طبيعي ؟
انا اخر ولاده لي كانت من 7 شهور
مشكور دكتور و الله يجزاك خير