مساء الخير يا بنات

اولا احب ارحب باختنا الجديدة ليالى و ان شاء الله نكون وش الخير عليكى يا حبيبتى

بصى يا قمرة انا عملت عملية الحقن و الحمد لله ربنا كرمنى بالحمل
بصى يا ست البنات
قبل ما تبدتى بترجيع الاجنة خدى الفوليك اسيد قبلها بثلاثة شهور
يعنى ابتدى بيها دلوقتى على طول
انا الدكتور بتاعى كتبهالى بعد سحب البويضات بس انا كنت باخده قبل العملية بفترة كبيرة
و كتبلى على البيبى اسبرين 75 مجم من يوم السحب برضو يعنى تبتدى تاخديها قبل ميعاد ترجيع اجنتك المجمدة من 3 الى 5 ايام
و تاخدى كل يوم حباية بعد الفطار بصى فى نوع كويس انا باخدو عشان مغلف فميعملش مشاكل فى المعدة هى العلبة لونها احمر فى ابيض بس الاحمر اكتر و من جوا كل شريط عليه اسم اليوم للاسبوع عشان متتلخبطيش انا اخدت ولا لأ
و ان شاء الله ربنا يكتبلك اللى فيه الخير يا رب


دودى حبيبتى ربنا يكرمك و يفرح قلبك يا رب

حلومة الجميلة ربنا يخليكى عشان جبتى صفحتنا لفوق تانى هو دا العشم يا جميل
انصار عاشقات حلم الامومة

غلا حبيبتى اخبار ابنك و مامتك ايه بقالك فترة مش بتقولى اخبارهم يا رب يكونو بخير


مرميس منتظريين انك ترجعى و تطمنينا عليكى

يا بنات فى حد يعرف حاجة عن عملية الربط يعنى بتحتاج فترة راحة فى السرير؟ اصل البنت دى غابت عليا بقالها فترة و بجد ابتديت اقلق عليها
ربنا يردها لينا بالسلامة ان شاء الله


باقى البنات تقبلو تحياتى



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة