استفسارات
مرحبا بنات كيفكم ...
عندي استفسارات بعد أذنكم يلي بتعرف بالموضوع تشاركني ...
وقت ما كنت حامل ببنتي (أول حمل) و صرت بالشهر السادس او السابع صار عندي وجع بعظمة الحوض من جهة اليمين بس لما أقعد او أتعب بشغل البيت قولت يمكن من الثقل ولما أولد ان شاء الله رح تروح
بس للأسف لهلا الوجع مستمر صار عمر بنتي ما شاءالله عليها 10 شهور ولهلا وجع بالحوض ما بخليني أقدر أمشي أوقات و ما بتصير معي الا لما أطول بالقعدة أو أشتغل بالبيت لوقت طويل ...
برأيكم شو بتكون المشكلة ؟؟ وما حابة أروح لعند دكتور حاسة انه الموضوع مو حلو عشان اراجع فيه
... وبدي أسأل عن موضوع تاني ...
انا الحمدلله برضع بنتي رضاعه طبيعية و الدورة كانت منتظمة لغاية شهر 3 ما اجت ولا حتى هاد الشهر مع انه بشهر 3 حسيت بمغصها و فكرتها رح تيجي بس مدت وما أجت لهالوقت هاد .. معقول يكون هرمون الحليب بتغير من شهر لشهر تمنع قدوم الدورة ؟؟
... أخر موضوع بعد أذنكم ...
اول 10 ايام من الولادة صدري الشمال التهب و جمع حليب و عملي حرارة و هلا لما حاول أرضع بنتي منه ما بحسه بنزل حليب بالكمية المساوية لصدري اليمين بتكون كتير قليله و بنتي ما بتحب ترضع منه متل الصدر الثاني و برتاح كتير أرضع عاليمين و دايما بلاقي حالي برضع من اليمين...
يعطيكم العافية ,, آسفة الموضوع طويل ,,
__________________
اللهم احفظ زوجي و ابنتي من كل مكروه و ارزقني الخير حيث كان ثم ارضني به