الحقوا علي قبل ما يوقع الفاس في الراس
أولا السلام عليكم ورحمة الله وبركاته:

أبي أختصر مشكلتي و رجاء من الأخوان و الأخوات إيجاد حل لي قبل أفقد أعصابي ..... أنا متزوج مالي تسعة أشهر و زوجتي تصير قريبه لي .. المهم أمها جات زارتنا يوم الخميس لليله و حده فقط وسافرت ثاني يوم ... بتقولون ايش المشكله ... أحس زوجتي أتغيرت علي .. اليوم أتصلت علي و أنا في العمل و قالت أبي أطلب منك طلب فقلتلها آمري ... قالت انها تبي تسافر عند أهلها كم يوم فقلتها انها تأجل الموضوع الى أن آخذ إجازتي و نسافر سوا ... ووضحتلها اني ماأحب زوجتي تسافر لوحدها ... ورجعت البيت و لقيتها مصره انها تسافر و طلبت منها تشرحلي سبب إصرارها فاتحججت ان الوحده ماهي بحاجه لعذر عشان تشوف أهلها و حاولت أشرحلها انها تأجل الفكره الى إجازتي و لكن بدون فايده و كأني أنفخ فقربه مفقوعه .... على الرغم من أنها شايفه أخوانها و أخواتها بالحج و جلست عندهم خمسة أيام و أبوها جاء زارنا قبل 3 أسابيع و أمها قبل يومين.... علمتها اني حأكلم أبوها و أشوف ايش حيقول فردت أنه حتى لو قلها تقعد ماراح تقعد و تبي تسافر لأهلها .... و هي حامل بشهرها السادس و الله يعلم قد ايش أنا خايف عليها... و قلتلها بس تقومي من الولاده بالسلامه ونسافر بس لاحياة لمن تنادي ... وبعد مجادله و نقاش رحت غرفة النوم أرتاح شوي فقامت دخلت و راي و قفلت الباب بالمفتاح و دسته عني ولما طلبته منها رفضت تتطلعه و قعدت تزن على راسي الا تسافر ... فقلتها و أنا زعلان من إلحاحها ماقدامك الا خيارين اما انك تسافري معي بعد ولادتك ولا تسافري لكن رحلة ذهاب بلا عوده فأختارت الثاني بكل سهوله و كأن رضاي ما يعنيلها شي و ررجعت أطالبها تتطلع مفتاح الغرفه و هي رافضه و مادريت إلا و أنا معطيها كف بسس و الله خفيف والله يعلم انه ماكان قصدي بس انها استفزتني بما فيه الكفايه... فأخذت المفتاح وسبتها تبكي كم دقيقه و رجعت أتسامح منها ولكن بلا فايده ... و الله يعلم اني أحبها و ما أرضى الغلط عليها ... لكنها أجبرتني أسوي كذا و ما أدري ايش الحل......

رجاء ساعدوني و يش أسوي وأنا ماأبي أخسر زوجتي لسبب تافه زي كذا و ماأبي كلمتي تنزل الأرض............