دمعت عيوني

احاسيسك مؤثره ماشاء الله

اخوي انت ماغلطت عليها

ومو معقوله انك تتحمل كل هذا الظيم عشان ترجع لك

اللي تحب زوجها ما ترضى له هذا الشيء بس مهو معناته انها ماتحبك لا يمكن تحبك بس تسوي كذا لانها تبي تشوف وش بتسوي لارضائها


وقف معهم وقفه حازمه وقول انك باقي عليها عشان العشره وبنتكم بس ان طلقت ماعاد لها رجعه

يمكن بعدها تحس انها في خطر وتتراجع

لان احد معارفنا صار له موقف شبيه لك بس من ناحية انها طلعت وتبي تتطلق على اساس انه مشغول طول اليوم بين العمل وبالليل اصحابه وحاول معاها ورفضت ترجع وقال ابوها طلقها وجلس اسبوع وبعدها جا للابو وقال له انا ابي بنتك بس ان كانها مصره على الطلاق بطلقها لاني ماابيها تعيش معي غصب عليها بس ان طلقت ماراح ارجعها لانها طلبت طلاقها على شيء مايستاهل انها تطلب الطلاق وتطلع لبيت لاهلها وترفض ترجع

وفعلا يومين الا واخوها جايبها لبيت زوجها لانهم خافو انه يطلقها وهو رجل صاحب خلق ودين ماشاء الله وخافت انها تخسره

ولما رجعت الامور لمجاريها تحاورو الى ان وصلو الى نقطة ترضي الطرفين والحين هم سعيدين ماشاء الله وصار عندهم طفلتين