اهلا يا حبيبة قلبي فينك من زمان وحشتيني ربنا يخليكي والله كلامك جميل وريحني جدا لاني حسيت ان دي حاجه طبيعيه ومش انا لوحدي ولكن هي حاله صعبه الله لا يعيدها تاني لانني كنت كارهه كل شيء في حياتي

عارفه يا حبيبتي انا اول ارتباطي بخطيبي كنت فرحانه قوي وعندي صبر كبير وصبرت كتييير جدا جدا وكنت شايفه كل حاجه في حياتي حلوه لحد دلوقتي ما حاسه ان حلاوة الانتظار او فرحتي باني اكون عروسه حساها راحت لان والله اهله ماشيين على راحتهم في اجراءات الزواج ولا كأني استنيت خمس سنين بس الحمد لله على كل حاجه حتى والله وانا بشتري حاجات الزواج مش حاسه اني عروسه وحاسه ان فرحتي راحت

انا اسفه اني مردتش على طول لاني مكنتش متوقعه ان في حد ممكن يرد عليا فمفتحتش الموضوع واما زوجي فتخيلي مبقتش عارفه اعامله ازاي قصدي مش عارفه مالي وايه اللي اتغير لاني كنت فعلا قويه بس قويه بحدود لكن دلوقتي كل ما احس اني زعلانه منه اعيطله زي العيله الصغيره لكن الحمد لله هو حاسس بيا بس انا عارفه انه هييجي يوم وهيبطل يحس بيا

ربنا يخليكي يا حبيبتي كلامك ريحني جدا انتي اللي قمر ومتخافيش عليا الحمد لله بقيت كوسه

__________________