المشاركة الأصلية كتبت بواسطة ام اروجي

العلاقة الزوجية
من اقوي العلاقات في حياة البشر العلاقة الزوجية ليست مثل العلاقة مع الوالدين أو الأخوات او الصداقة
العلاقة الزوجية من نوع غير وعلاقة خاصة جدا
كل فتاة مقبلة على الزواج تفكر ان الحياة الزوجية حياة رومانسية
وكلها كلام رومانسي وضحك
لا الحياة الزوجية غير كذا فيها مشاكل تزيد المشاكل مع وجود الأطفال
وطبعا المشاكل ملح الحياة وكيف تمشي الحياة الزوجية من غير مشاكل وصعب الحياة تمشي على نمط واحد
يا عروستي وأم الأجيال عندي عدة نقاط واتمني الفائدة
1- لا تكلفي نفسك في الليالي الرومانسية الرجل مايحبه اصلنا الرجل يحب تكون الزوجه على الفطره اهم شئ النظافة الشخصية والكلام الحلو الرجل يكره التصنع في زوجته

صح بس أحياناً التجديد ضرورة و خصوصاً إذا ابتليت برجل ملول



2- انتبهي تقولي لزوجك شئ عن أهلك واسرار اهلك مثلا ان ابوك يتهاوش مع امك أو مايعطيكم مصروف او لا قدر الله سكير أو ان أمك منافقة وتخرب بيوت الناس أو أختك لونها اسمر وفيها حوول لا قدر الله او أن أخوك سرق فلوس من عند ابوك او........................
الزوج يقول في نفسه ياويلي كل هذا في اهلها وانكشف المستور على هذا الأساس يعاملك بكل برود ويمكن يصارخ عليك ويقول في نفسها أهلها مايستحقون حشمه
وكمان انتبهي لالالالا تتكلمين عن ماضيك لاقدر الله لو كان فيه شئ مثلا تقولي كنت اكلم شباب في مرحلة المراهقة واعرف فلان لو سمع كلام زي كذا من غير تفكير يطلقك بالثلاثة وفيها ضرب من اهلك وفضيحة بجلاجل عند الناس وكلام الناس مايرحم وتكثر الأشاعات وتروحين فيها يمكن تنتحري لاقدر الله
وعذابك كبير عند ربنا
3- انتبهي تقولي لزوجك اليوم جاءتني الدورة والدم غزير ولونه أسود ماهو بالعاده أحمر يمكن الرجال ينفر منك وأذا مافكر بالثانيه
4- لا تمدحين أي وحده عند زوجك بذات البنات غير المتزوجات صديقاتك بذات مثلا تقولين طبخ فلانه يجنن ماهو زي طبخي المحروق أو فلانه صارت بيضاء بعد ماكانت سمراء على فكره الرجال يحبوا يسمعوا الكلام زي هذا وأنت على نياتك تقولي كل شئ وفي النهاية زوجي تزوج صديقتي وتصير مشاكل لا تحمد عقباه


بصراحة لازم البنات ينتبهون إنه ما ياخذون راحتهم وايد في الكلام سبحان الله ساعات الصفا مو دايمة و ما تعرف متى و ليش ممكن ينقلب الحال ، دايماً افتخري بنفسج و أهلج و ما فيه لزوم أبد تذكرين سلبياتك أو سلبيات أهلك و تفتحين عيون زوجك على أشياء يمكن هو مو شايفها .

صراحة تعلمت إن الوحده ما تكون على نياتها و تشيل كل الحواجز إللي بينها و بين زوجها مهما كان طيب و لطيف في التعامل ، أهم شي تنتبه على كلامها و ألفاظها و تفكر مليون مرة قبل ما تتكلم ، راح تسلم و تجنب نفسها كثير من المشاكل و التعب .

للامانه منقول للفائده[/CENTER]