بصي .. انا ممكن اكلمك صفحات وصفحات عن غربتي واللي عملتوا فيها ... خلي بالك ان الحنين لأهلي مالوش نهاية .. وحاسة ان في حته من قلبي مفقودة .. بس انا بتكلم على الناحية الايجابية

من الاخر حطيت اختيارين مالهمش تالت قدامي :

1- اعمل حاجة ... 2- ادفن نفسي بالحيا !!

اخترت ان لازم اعمل حاجة ولازم يكون ليا هدف ..

ولازم ماخفش .. ولازم اقاوم واعمل اللي بحبه .. لا زم احافظ على شخصيتي .. لأني لو دفنت نفسي بالحيا هتحول لأسوأ مخلوقة في الدنيا شكلا وشخصية وكل حاجة

فالحقيقة اتطورت في كل حاجة في جميع الجهات ولله الحمد .. ولا حول ولا قوة الا بالله

اول حاجة هتفكري فيها انا بحب ايه من جميع النواحي وهواياتي ايه .. وياترى ايه اللي في شخصيتي نفسي اظبطه وفي شكلي ... وفي مهاراتي وكل حاجة

لو مسكتي ناحية واحدة مش هتخلصي انا دلوقتي بحس ان يومي مافيهوش وقت ونفسي في ساعات اكتر في اليوم

اول ماجيت هنا ماكنش فيه لانت ولا عيال ولا حاجة ...

قولت لجوزي لازم نت .. وعلى ماجه النت نزلت اشتريت الكتب اللي بحبها .. بحب كتب الرحلات لأنها بتخليكي تعيشي في جو الرحالة وانتي قاعدة في بيتك .. وبتديكي ثقافة عن الشعوب ..

كتب في تربية الاطفال ومراحل الحمل .. كتاب الاباء والمهات الجدد ..

كتب كتير جدا جدا ..

غير كدا انا هوايتي الرسم نزلت جبت الادوات .. او على الاقل اقلام رصاص وارسم اي حاجة قدامي في البيت الرسم موهبة محتاجة لممارسة اكتر منها اي حاجة

وبعدين زوجي العزيز جاب النت .. اتعملت منه كتير كتير


اتعلمت فوتوشوب.. وخاصة خاصة حاجات تطوير الذات اقرا مقالات والاحلى انزل كتب من النت واقراها

استفيد من تجارب الاخرين .. اتطورت في الطبخ .. كنت صفر ... بقيت ممتازة دلوقتي هقولك لأنهي درجة

جوزي بيحب اكل والدته جدا وانا مش هعرف اعمل زيها او حتى اكل شبه اكلها لأنها قمة فاللي حصل اني بأه ليا اتجاه تاني مش شبه حد يعني مافيش مقارنة مش اكتر

وبقيت بدور على وصفات جديدة واتعلمها .. دايما .. التجديد حلو

لما خلفت بأه صعب اقرا انشغلت بالبيبي جامد جدا جدا

اوقات اقضيها .. او بمعنا اصح اسرقها ..على الانترنت اقرا واستفيد واتعلم عشان طفلي ..

كمان جبت اجهزة رياضية في البيت .. الرياضة منعشة وبتديكي قوة وتفاؤل حلو جدا .. واكيد كدا بتحافظي على صحتك ووزنك وبتقضي وقت مفيد

بعد كدا ماباقاش ينفع اني ارسم ولا احط ادوات امام الاولاد ولا الا هتدمر والبيت كله هيتدمر جبت تابلت ... وبقيت ارسم على الكمبيوتر واجدت الفوتوشوب اجادة حلوة .. واتجهت للدجيتال ارت

وبنزل سيديهات تعليم من النت اتفرج عليها في الوقت اللي الاولاد نايمين واطبق

بحاول اتعلم كذا برنامج ديزاين .. كل ماجت فرصة

حتى لسة من يومين نزلت برنامج ورسمت اول رسمه بيه



ايه رأيك


كمان شوية كنت بصور وبعدين سبت التصوير لقلة نزولي


وغيره وغيره ..

احب استفيد واحب افيد ... دوري انتي بتحبي ايه وكل حاجة بقت بتم على الكومبيوتر

مرة انقطع النت .. بقيت ادور على حاجات في البيت ارتبها او اعيد ترتيبها .. اركز مع عيالي وهكذا

وربنا يوفقك

دوري على بتحبيه

__________________