الاخوات الغاليات وحشتووووووووووونى جداااااااا ويارب تكونوا جميعا فى احسن حال

اولا عايزه ابارك على حمل جميع اخواتنا الغاليات كوكار ومرميس وحلمى معلش متاخر بس سامحونى والف مليون مبروك ويارب يتتمم لكم بالف خير

ثانيا عايزه ابارك على الجزء الجديد مع انه متاخر جدا لكن ملحوقه ان شاء الله يكون فاتحه خير علينا جميعا

دبدوبى الغاليه عامله ايه بجد وحشانى ومعلش قدر الله وماشاء فعل ان شاء المره القادمه يكمل الحمل ويكون زى العسل مثلك

زهور حبيبتى قلبى عندك والله قلبى تقطع علشانك ولكن معلش ان شاء الله الجاى احسن ومش هلقى كلام اقوله لكى زى كلامك الجميل اللى بتصبرينا بيه ان شاء الله الفرج قريب من عند الله

ملوكه وعاشقه ومنى 777 وكل الاخوات الغاليات ان شاء الله سوف يعوضنا الله خير باءذن الله ويرزقنا جميعا الذريه الصالحه ولن يضيع لنا تعب

الاخوات الجدد يارب يكون انضمامكم لحلمنا هذا فاتحه خير لكم ولنا ولا تمر هذه السنه الا وكلنا حوامل باءذن الله

طبعا انا عندى عتاب عليكم علشان محدش ابدا سال عنى لكن معلش انا برده عزراكم لان عندنا مثل مصرى بيقول البعيد عن العين بعيد عن القلب لكن ابدا انتم جميعا فى قلبى وعقلى ولا انساكم فى دعائى

بالنسبه لاخبارى فالحمدلله لاجديد عندى سوى انى قررت القيام بعمل محاوله ثالثه للحقن المجهرى ولكنى غيرت الطبيب لعله يكون سبب بعد اراده الله فى النجاح هذه المره ولكنه طلب منى اجراء منظار رحمى لاطمئنان على الرحم والحمدلله عملته وقال لى خير لكن ننتظر الدوره القادمه ثم نبداء التحضير على بركه الله يارب يوفقنى هذه المره لانى حقيقى تعبت جدا من المحاولات والمناظير والعلاج والمصاريف وكلام الناس حتى اقرب الاقربين وفوق كل هذا الوحده ولكن الحمد لله انا كلى امل فى الله انه لن يضيع لى تعب وان شاء الله الفرج قريب لى ولكم سمحونى على الاطاله ولكن هذا جزء بسيط من الذى اريد ان اقوله لكم ويعلم الله انى لن اجد خير منكم يشعربى ويحس ما بداخلى

تقبلوا حبى ودعائى لى ولكم بالذريه الصالحه

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ