انا عيالي كلهم صادتهم اكزيما
من عمر الشهر تبدا معاهم
بنتي بس في خدودها بعد السنه و 3 شهور راحت عنها
ولدي الثاني مسكين صج معاناه و جهه و بطنه و رجوله من فوق لين تحت و يده عند ثنية الكوع
الحين عمره سنه و 10 شهور راحت عنه و الحين ردت في رجوله
المهم من تجربتي و كلام الدكتور الوحيد اللي نفعني:
ادهنيه بفازلين او زيت و ابعدي عن الكريمات لان الفازلين يبقى عالبشره و يكون عازل
ابعدي عن الصابون و الشامبو اذا حطيتيه حاولي تبعدينه عن جسمه
ممكن تستخدمين منتجات seba med لانها خاليه من الصابون صابونتهم خاليه من الصابون
سبحي البيبي بماي عادي مايل للبروده مش بارد
تأكدي ان الملابس تغطي كامل الجسم ابعدي عن الشورتات
الملابس لازم تكون 100% مصنوعه من القطن
الغرفه تكون مايله للبروده
شربيها ماي و سوائل لان البشره تكون وايد جافه
راقبي الاكلات اللي تسبب لها الاكزيما
الدكتور عطاني ورقه دايما ارجع لها بحاول اكتبها في موضوع منفصل فيها الاكلات الممنوعه و الاكلات اللي تؤخذ باعتدال
اي ابعدي عن البرتقال
الاكزيما تروح اذا كبر الطفل ممكن تستمر لل7 سنين
ابعدي عن الغبار و روائح المطبخ و روائح المنظفات

__________________