يالله يا هرد شدى الهمة وبلاش كسل و نصيحتى لكى اذا جعتى فى اى وقت قومى اشربى ماء اشربى ليتر ماء بارد من الثلاجة وحطى عليه ملعقة كبيرة خل تفاح واصبرى ثلث ساعه لو لسه حاسه بالجوع قومى كلى فاكهة وياريت تكون فاكهة مليانه ماء زى البطيخ مثلا او البرقوق هيشبعك جدا ومش هيزود وزنك ........او خضار زى الخيار والخس كمان مفيد جدا وبيماى البطن ......ها ايه رأيك بقى مش كده هيكون احسن
حبيبتى ام جوجو يا هلا والله بها الطله ...... وحشتينا موت والف حمدا لله على رجوعك للمنتدى اللى كان مظلم من غيرك
لكن أنا زعلانه جدا جدا منك ,,,,,, ازاى تبوظى الدنيا وتزيدى 2 كيلو فى اسبوع حرام عليكى ده احنا قعدنا اسبوع كامل محرومين من الأكل علشان خاطر ننزل ال2 كيلو دول وما قدرناش ننزلهم كاملين , شوفى بقى انتى تزيدى الهمة والنشاط والحركة وياريت ترجعى للصفحات السابقة انا نقلت لكم برنامج كامل عن رجيم حسب نوع الجسم اقرأيه وهتستفيدى كثير منه وممكن نبدأ تطبيقه سوا من النهارده انا بالفعل بدأت فيه خلاص وطلع جسمى من النوع التناسلى
منتظرة منك الرد.

باقى الرشيقات تقبلوا تحياتى ودعواتى بالصحة والنحافة