انا عارفه لي عيوب ومحد خالي من العيوب بس انا قصدي في اسلوبه ولباقته معاي ما عنده بالمرة احس حتى لما يكلم الشباب احسن مني

والله انقهرررررر اقول انا زوجته ما يعاملني هالمعاملة وهي نفس المعاملة اللي يعامل فيها امه واخواته .. اذا يطلع ما يتصل واذا اتصل يسال عن الاكل الغذا او العشا ؟؟ واذا انا اتصل له يقول لي انا في مكان الفلاني مااقدر اكلمك ...

ما عنده رومانسية بالمرة جلسته بالبيت يا ساكت والا طلبات حتى صرت اعتبر نفسي مثل الشغاله

ما يعرف يسولف الا اذا بيختلق مشكلة عشان يتهاوش معاي يعني ما يتكلم الا اذا فيه مشكلة

غير تصرفاته اعتبرها مرات دفاشه

الحين صرت اعامله مثل الطفل اقول له عيب ولا تسوي ولا تقول مادري ينفع هالاسلوب او لا

والله ما اقارن بس اتمنى يكون هالشي فيه ان تكون عنده لبااقه في الكلام ولباقه في الاسلوب


بس الله يعيييييييييين

المشكلة مو فيه المشكلة في بيتهم اهله ربوه على هالتصرفات وهم كلهم مثله

__________________

	ادعوا لي ان الله يرزقني بالذرية الصالحة