أولا كلامى موجه لأختى الغاليه دودى دبدوبى
قصتك كثير مشابهة لقصصنا كلنا فى مشوارنا مع السمنه
بتبتدى من الصغر وفى هذا العمر يبدأ الجسم بانتاج خلايا دهنية كثيره وهذه الخلايا تنقسم وتظل مستمرة فى الانقسام حتى يتكون لدينا مخزون هائل من الخلايا الدهنية فى كافة انحاء الجسم وبعد مرحلة البلوغ تتوقف هذه الخلايا عن الانقسام ولكن ما يحدث هو انه عند تناولنا للمواد الدهنية فهى تجرى مباشرة على هذه الخلايا التى اصبحنا نمتلم عدد كبير جدا منها وتتخزن فيها وتظل هذه الخلايا تمتلئ بالدهون كلما زودناها بها
وهذا ما يفسر لنا كيف ان اثنين بيأكلوا نفس الأكل وواحده يبان عليها وتتخن والتانية تظل رشيقة لأنها حافظ عليها اهلها من وهى طفله فليس عندها نفس عدد الخلايا الدهنية اللى عند السمينه
لكن انا شايفه ان ماشاء الله تبارك الله عندك ارادة من حديد وهى اللى هتنفعك باذن الله فى المرحلة دى
ادعى ربك وقوى عزيمتك وحطى أهداف بسيطة امامك فى وقت مناسب يعنى مثلا ما تقوليش عايزه انزل 30 كيلو على رمضان لأن صعب تنزلى 30 كيلو فى خمس شهور وهتبهدلى جسمك ونفسك انتى الأول ابدأى بهدف بسيط وليكن 4 كيلو بالشهر وصممى عليه وشوفى نتيجتك كل اسبوع هتنزلى الكيلو ولا لأ وممكن تنافسى وتتحدى نفسك وابدأى إعملى بدائل صحية لأكلك ....... الرجيم مش معناه ابدا تجويع ولا قلة أكل بالعكس الرجيم معناه ازاى تتعلمى تطبخى اكلك بطريقة صح الصح ........ أنا أكلت اثناء الرجيم بيتزا وشيبس ومحاشى وكيك وبيتى فور ومكرونة بالبشاميل وطعمية وكل ما تتخيليه ولكن بطريقه صح ........أولا عليكى اعادة النظر فى طريقة طبخك ليكن شعارك فيها لا للدهون بالطبخ وحطى لنفسك معدل ثابت لا تتجاوزية من استخدام الدهون بأكلك وليكن 35 جرام اسبوعيا بمعدل 5 جرام يوميا اى ملئ ملعقة شاى ويكون دهن صحى زى يت الزيتون وهاتى ميزانه ديجيتال فى مطبخك واوزنى كل كل حاجه قبل ما تطبخيها واطبعى جدول السعرات الحرارية وخليه قدام عينك وبعدها مش هيكون فاضل لك الا انك تحسبيها صح معادله بسيطه انت جسمك محتاج كم سعر فى اليوم ( علشان تعرفى اضربى وزنك الحالى فى عشرين) هيكون ده اللى جسمك محتاجه يوميا.
طيب علشان تنزلى كيلو بالاسبوع انتى محتاجه تحرقى 7000 سعر يبقى محتاجه تحرقى يوميا 1000 سعر من اللى جسمك محتاجه يبقى تخصمى من مجموع سعراتك 1000 ويبقى الباقى هو ما ستتناولينه وكلى بقى اللى على مزاجك بس فى حدود السعرات المسموحه فمثلا لو حبيتى تأكلى طعميه احسبى مقدار الفول بالجرام وسعراته وكمان سعرات البصل والثوم والكراث والخضره وسعرات الزيت حتى لو كنتى هتقليها فى ملعقة زيت صغيره ومن هنا ستجدى نفسك تدربتى على حساب السعرات بكل طعامك وبهذا الشكل أضمن لك باذن الله وبتوفيقه انك هتنزلى نزول صحى جدا وبلا عوده ...... اتمنى تكونى فهمتينى واتمنى لك من كل قلبى الصحة والرشاقه وتحقيق حلميكى معا الرشاقه والأمومة .وفقك الله.
حبيبتى منت عاجبنى أهلا بعودتك لنادى الرشيقات وعودا أحمدا باذن الله ومنتظره اخبارك مع الوزن بالتوفيق ان شاء الله
أختى الغربه مره ياريت تكتبى لنا تفاصيل رجيمك بكل دقه لأن كلامك كان عام جدا فلم استطع تبين الرجيم وانا عايزه اتبعه بعد ما اخلص رجيم نوع الجسم باذن الله
أخواتى الحبيبات باقى عضوات نادى الرشاقه شدوا حيلكم كلكم وربنا معانا ويوفقنا
وربنا يستر بكره يوم الوزن ادعولى
التعديل الأخير تم بواسطة sa33 ; 07-05-2009 الساعة 04:44 PM