اختي هـــدى /

الموضوع ما هو بسيط يعني تزعلين منه اليوم وبكره تلقين غيره ، اختي خذي الموضوع على انه مصيري وهذي حياتك المقبله وقرارك بيكون حاسم جداً وانتي المسؤله عنه و لا احد غيرك .

حطي لنفسك زمن تكونين انتي فيه اتخذتي قرار اما بتحسين العلاقه مع خطيبك او مصارحته وتبدين له عدم ارتياحك له وبالتالي فسخ الخطوبه ، وانا صراحة افضل الحل الاول انك تنسين الماضي وتنسي اللي راح وتصيرين من عيال اليوم زي ما يقولون وهذي هي الحياة ما صفاؤها لا يخلو من كدرها والحياة ما تحلى الا بالصعاب وبتخطي المشاكل .

الانسان دايما يخطي مع نفسه ومع الاخرين وخطاه مع نفسه اشوف انه اصعب من خطاه مع الاخرين ، لكن صاحب الاخلاق العاليه وصاحب العقل الرزين هو اللي يسامح ويبادر بالمسامحه حتى لو ما احد اخطى عليه .

اترك الوساوس من بالك وضني في خطيبك ظن الخير وصدقين حتلقينه زي ما توقعتيه بس انتي ظن في الظن الحسن وعامليه على اساس كذا وتشوفين النتيجة .

حاولي انك تتجنبين الالفاظ المستفزه او المنفره واختاري القول او اللفظ الزين عموماً يعني .

اختي / بعد كل هذا واذا شفتي نفسك منتي مرتاحه معه انصحك وللأسف انك تفسخين الخطوبه ولكن بعد ان تستخيري الله عز وجل .
حتى ما تندمين على قرار تتخذينه وقتها ما ينفع الندم والله لا يجيب ندم لا لكي ولا لنا .

والله يتمم لكي امورك على احسن ما يرام وللجميع ان شاء الله

__________________