يا حبيبتى يا دودى فعلا كلامك صح ولازم نستعين على قضاء حوائجنا بالكتمان أنا كمان عملت كده ولكن جاراتى كلهم لاحظوا على النزول جامد وشكلى اتغير فبدأوا يسألونى فقلت لهم اصلى زعلانه علشان ماما تعبانه وانا فى غربه ومش عارفه اروح اشوفها وهى فعلا ماما تعبانه الله يشفيها يارب
أختى الحبيبة الغربة مره منتظره ترجمتك للنظام الغذائى على أحر من الجمر
أخواتى الرشيقات أنا اتبعت طول الاسبوع اللى فات من يوم السبت رجيم نوع الجسم ووزنت اليوم وخسرت من وزنى 1100 جرام والحمد لله يعنى بقيت 66،3 كيلو ادعو لى بقى أوصل لل60 على نصف شهر يونيو
عايزه اقول لكم ان الرجيم ده مش سهل وتاعبنى كثير أنا بأحس انى مش بآكل كويس وخصوصا انى مقلله فى الحليب يعنى مش بأشرب كوب زى ما الرجيم بيقول بأشرب بس 100 ملى وكمان حاسه ان الكربوهيدرات فيه قليله جدا ......ده فيه ايام فعلا عدد سعراتى لم يتجاوز ال500 فى اليوم كله وأنا دلوقتى محتاره مش عارفه اكمل فيه ويمكن الاسبوع الجاى يجيب نتيجه احسن ولا ابطله وارجع لرجيم الهرم الغذائى آهو على الأقل كان فيه وجبة مفتوحه فى الاسبوع مش عارفه انتوا ايه رأيكم واللى جربت رجيم نوع الجسم ياريت تقول لى هل النتيجة كده كويسه ولا لأ