انا مع الاخوان في كلامهم

ياما تصير خلافات بين الازواج وتعدي على خير بس حقيقه هو غلطان في اسلوووبه وبعدين في نفس الوووقت ندم على كل شئ سواه

اهم شئ انه ندمام واعتذر وبكا جدامك مثل الطفل وصدقيني دمووع الرجل مب هينه مب بسهوله تنزل دمووعه اغلبهم يكابر ولاينزل دمعه وحده

المهم اختي الغاليه نصيحتي لك

لازم تبينين له ان الموضوع هذا يزعجك لحد الان عشان لايتكرر لاسمح الله ولازم تتعودين تشاركينه في كل شئ يدور بخاطرك

مثلا اذا بدا يقول لك كلام حب قوليله باسلوب حلو يحس فيه انك مازلتي تعانين

مثلا تقولين له تدري اني لين اسمع منك هالكلام دووم افكر انك تقص علي مثل قبل... واسكتي بعدها هو بيرد عليكي مثلا بيقول والله

ماكنت اقصد ومن هالكلام قوليله عارفه انك ندمان على اللي صار بس انا مب بسهوله بنسى اللي صار لكن اوعدك بحاول عشانك

بس من رايي لازم يعرف اللي بخاطرك ولا ماصار شريك حياتك لازم يكون في السراء والضراء

وانا حاسه فيج والله

لاني مريت بموقف كان دايم زوجي يواعدني اليوم بيجي بيتنا ولا يجي يخليني البس واتعدل واطبخ له واسوي كل شئ ولايجي

وهالموقف صار كثير لدرجه انه خلاص لين قالي بيجي مااصدقه

لين قلتله بهالشئ واعتدل ماقام يسوي هالحركات اصلا قعدت ابكي عليه

المهم انا قلت لك هالموقف عشان ابين لك اني حاسه باللي يصير معك

وانك ماعدتي تصدقين كلامه او مجرد شك بكلامه وانه مب طالع من قلبه وممكن يمثل مثل قبل

عشان كذا اقولك واجهيه وقوليله عشان ترتاحين نفسيا وحاولي مع الوقت تتناسين هالموضوووع وفكري بانها صفحه وطوينها من الماضي

والله يوفقك

__________________

حبيبه زوجي