بسم الله الرحمن الرحيم


شوفي حبيبتي


بداية من اليوم جهزي ورقة فيها كل الاكلات التي ستقومي بعملها


و شوفي ايه الاشياء اللي ناقصة عندك و جهزيها في ورقة مستقلة للشراء و اعملي علامة علي كل شئ اشترتيه

لا تجربي وصفة جديدة


اي لابد ان تكون كل وصفاتك تجيدي اعدادها

بالنسبة لبدء العمل يكون من يوم الاربعاء

جهزي الشغل اللي تستطيعي تجهيزه

ممكن لو استقريتي علي الوصفات اكتبيها و احنا نساعدك و نقولك ايه اللي ممكن تجهزيه قبلها بيوم

شوفي حبيبتي

المائدة في العزائم

اما ماكولات بحرية

او لحوم و الدواجن و خضار او مكرونة

او فتة و لحم و ممبار و كبد و كلاوي و ممكن رقبة بتلو في الفرن و هكذا ( هذه عادتنا في تقديم الفته المصرية )


شوفي حبيبتي


حاول تبتعدي عن المقليات حتي لا تتعرضي للموقف الذي تتحدثين عنه


يعني ممكن تعدي فراخ مسلوقة و محمرة في الفرن

و بالتالي يكون سهل عليكي اشعال الفرن عند وصول الضيوف

اللحم ممكن تكون فخذة في الفرن او عرق لحم باردة او صنية لحم بالفرن


ممكن عشان موضوع المقليات تجهزي سمبوسك و اقليها قبل وصول الضيوف

و عند وصلهم دخليها الفرن تسخن


و السلطات جهزيها قبل بيوم حتي السلطة الخضراء ( و ضعيها في علبة بدون اي اضافات نهائي و غطيها بمنديل ورق حتي تمتص الماء الناتج من الخضار و غطيها باحكام بالغطاء )

ثاني يوم ستكون اكنك حالا مجهزها

ببمكن تعدي مكرونة باشاميل جهزي الباشميل قبلها بيوم و ضعيه بعلبة في الثلاجة و اللحم المفروم ايضا قبلها بيوم و ممكن تسلقي المكرونة قلبها بيوم و عند استخدمها انزليها في ماء مغلي مدة ثواني و ضفيها و استخدميها


و علي العموم شوفي افكارك ايه للعزومة و اكتبيها و احنا نساعدك

__________________