ذكرتيني في نفسي اول ما عرست كان زوجي نفس زوجج ..

وبايدي انا اللي خليته يبعد ويصير زعلي ما يهمه

خلي دايما زعلج يكون لسبب لا تزعلين على كل شي لا تحاولين تغيرين ريلج انتي تغيري عشانه

انا يوم كنت ازعل من ريلي كنت اكتب له رساله ... الحين بعد ٣ سنوات ونص زواج اقولج كان عقلي صغير واسباب زعلي تافهه

والله اني اضحك على نفسي .. احس اني كنت ياهل

لكن للأسف اكتشفت متأخر وايد خلاص ريلي صار انسان ثاني هالدلع اللي شفته رااااااح وماظن اقدر اصلح اللي انكسر

انتبهي حبيبتي لا تزعلين على كل شي ... في بعض المواقف العتب يكفي ...

وحطي عندج قاعده ... هاي نصيحه من اخوي الله يحفظه افصلي بين زعلج وواجبج كزوجه...

بما معنى.. اذا انتي متعوده تسوين له ريوق سويه
اذا متعوده تكوين له الشماغ اكويه
اذا متعود اول ما يوصل من الدوام يشرب عصير شربيه...

لأن هالشي مايخصه ابد بالزعل اللي بينكم

الله يسعدكم ويبعد عنكم العين ويخليكم لبعض