اهلا كيفك
وين غاطسة
انا جربت جارنييه ولوريال
بتعرفي
انا مرة عملت حنة طلعت بشعة ماطلع لون حلو يادوب لمعة حمرة وماعجبني لان شعري اسود غامق مابياخد لون
المهم قلت بدي ارجع للونو الاصلي اخدت جارنييه اسود كحلي عاساس تغطي الحنة
وطلع بني
ومرة تانية قلت للكوافيرة اعملي كمان مرة قالت ا بخرب شعرك
ولاني بحب اعمل الي براسي جبت وحدة تانية و عكوافيرة تانية وعملت كمان مرة ههههههه
وزبط اللون اسود
المهم انو بعد الماسي اللونية هاي في خلال اسبوع تمت تخيلي
وماشاءالله لاقوة إلا بالله تبارك الله ماعمل اشي بشعري
جارنييه ماتخرب ابدا الشعر
واقلك عن تجربتي مع لوريال
قبل كم شهر بدي اعمل نيولوك
رحت الكوافيرة مارضيت عشان اطراف شعري بقايا اسود
صبغة قصدي
قلت مابدي اعمل الا الي بدي اياه
جبت لوريال اشقر فاتح رمادي
وحطيتو 3 مرات كل مرة ساعة عاساس يعطيني لون عسلي
طبعا شعري المبارك يادوب طلع بني
بس برضو ماشاءالله تبارك الله ماصار اشي بشعري
بيجي معها مرطب فظيع كتير حلو للشعر
وهية الايام هاي لوريال وجارنييه صبغات كتير حلوة ومغذية لانو بكونو مدعمين بمرطبات وفيتامينات نادر متنشف الشعر
المهم رحت بعدها بشهرين عاملة شعري بني وميش عمرك شفتي اجن مني
ورغم انو شعري دهني جدا وناعم جدا ماشاءالله
بس الميش نشفوو الخصل الي عليها الميش نشفت
خاصة اول فترة
بس جايبة مجموعة لوريال للعناية بالشعر المصبوغ وخف الامر شوي مع الترطيب ولانو شعري دهني
الخلاصة جارنييه و لوريال بجننو
اكتر لون بنشف الشعر الاشقر كل مافتح اللون نشف الشعر اكتر
بس معروف انو الميش بالزات حامي جدا عالشعر غير الصبغة الشقرة العادية
ازا خايفة من الجفاف ماتعملي ميش
ممكن تعملي هايلايت
او بتعرفي شو كان نفسي وندمت اني ماعملته
خصل عريضة شوي لون اشقر بلاتين
حلووووووووووووووووووووووو كتير
او خليهم يصبغو اسود
ويعملو خصل حمرة لون دم الغزال او زي لون الفيمتو
وانت ماتجربي بحالك اقلك ليش من تجربتي
الي بكون مكتوب عالصبغة بحطولك فرق اللون يعني بحطو لو لون شعرك كزا بعد الصبغة بتحول لكزا
بحطو صور
بس الواقع غير لانو تقبل كل شعر للصبغة مختلف عن الاخر
والكوافيرات الشاطرات
بكونو عارفين هاي المقادير و الاسرار
حسب نوع شعرك بشوفوه
وممكن يخلطو اكتر من لون
او يحطو نسبة اوكسيجين
انا عشان شعري غامق حطتلي نسبة اوكسيجين عالية كتير عشان يطلع الميش
وحدة تانية بتحطلها اقل مني بكتير
حسب نوع ولون الشعر
لهيك روحي كوافيرة شاطرة احسن واحكيلها شو بدك
مكان موثوق يعني ومشهور
عشان لو مش هيك ممكن يبدعو في شعرك
ويطلعلوك لون تاني ويصممو انو هادا نفس اللون وبعين قوية ههههههه حصلت مع وحدة بعرفها
بس المشكلة انك ماحتعرفي شو الصبغة الي حيستعملوها لانو الكوافيرات غالبا بحطو انواع مش هلأد
بس لو رحتي مكان بروفيشنال ممكن تشوفي انو صبغتهم منيحة
انتي المكان الي بدك تروحيه قبلها زوريه واساليهم وهيك وحاولي تتجسسي عنوع الصبغة لو عارضيته ههههههههه
ولو ماقدرتي مالك الا تستخيري وتتوكلي على الله لانو زي مقلتلك هما عندهم مقادير معينة واسرار
مابنفع تجيبي علبة وتحكيلهم اعملولي اياه
الا لو لون عادي بني او اسود يعني اكيد اللون بزبط
معلش طولت عليكي
ان شاء الله اكون افدتك بخبرتي البسيطة وتجربتي
