أنا بنتي أكلها قليل بس رح أقلك على برنامجي

بتصحى الساعة 5 أو 6 الصبح بتاخد ببرونة و بتنام بتصحى الساعة 8 أو 9 بتاخد كمان ببرونة و بتنام
بتصحى على 12 مصحصحة بحضرلها الفطور و يكون سيريلاك لوحده أو مع موز أو تفاح و ليوم عملتلها كورن فلكس و خفقته مع الحليب و حبته

بعدها بساعة و نصف أو ساعتين بتاخد ببرونة و بتنام و بس تصحى بحضرلها الغدا إلي هو إما خضار مسلوقة أو رز مع زبادي أو بطاطا مسلوفة مع زبادي و أحياناً من نفس أكلنا إذا كان مناسب لها

بعدها رح تنام إما ببرونة او بدون
و بس تصحى أحممها و أعطيها شي خفيف مثل بسكويت ميلوبا أو زبادي بالفواكه أو كاستر أو كريم كراميل

المسا أعطيها مثل الفطور و أحياناً ما بترضى تاكل إلا ببرونة و بتنام

طبعاً ما تنسي الماء بعد كل وجبة

بس حبيت أسأل ملك كيف ممكن أعود بنتي تنام على 8 أو حتى 9 هي لما تنام بهالوقت بتصحى على 1 و بتسهر لل3

موعد نومها الأساسي 12 أو 1