وعليكم السلام ورحمه الله وبركاته


الرجل كظلك .. اتبعيه يهرب منك .. واهربي منه يتبعك ..

انا صارلي سنيتن متزوحه .. مغتربه مع زوجي .. ويوم نرجع البلد في الاجازه ... يكون دائماً دائماً مع اصحابه .. تخيلي اول ما يفتح عينه يقوم من النوم على طوووول رفع السماعه واتصل على اصحابه .. وطيران لهم .. مع العلم اصحابه غير متزوجين ومحترمين وملتزمين .. وسهراتهم نفس سهرات اصحاب زوجك .. فتخيلي الوضع اول ما يصحى من النوم ويرجع بعد صلاه الفجر .. تعبان بدو ينام .. !! طيب انا متى وقتي ؟؟ خصص لي وقت .. ووعدني .. استمر كم يوم وبعدها عادت ريما لعادتها القديمه .. يقول لانه راد من الغربه وبس هم يشوفهم بالاجازه ومشتاق لهم جداً .. كنا دائماً نتخاصم بسبب هالمشكله .. في يوم من الايام .. قلت اهوا عايش حياته .. ليه ما اعيش حياتي ؟؟

شوفي شو عملت ..

دقيت عليه .. وبكل رومانسيه قتله انا راح انام عند اهلي اليوم ..وراح اروح الصبح اتريق مع صديقاتي في احدى المطاعم .. وراح احط موبايلي سايلنت لمن انام .. اهوا ضحك وقال اوكي .. ما صدق اني راح اخليه ..
عقب هالمكالمه ما دزيت له ولا مسج .. ولا اتصلت عليه ولا شي .. وصار بليل .. رحت نمت بيت اهلي .. وحطيت موبايلي سايلنت .. قمت حق صلاه الفجر .. ولا اشووف تلفونات ومسجات منه .. وشو صاير ليش اليوم مو دازتلي ولا مسج ولا داقه علي ولا سائله عني ما رديت عليه وكملت نومتي .. الصبح وانا طالعه دقيت عليه .. طبعاً ما كان نايم .. وقالي راح انتظرك لمن تخلصي الريوق .. خلصت من صديقاتي على 12 الظهر .. طبعاً كل شوي وانا عند صديقاتي يدز مسج .. رجعت البيت قعدت معاه شوي بعدها نام .. وكملت يومي الثاني على نفس الحاله .. اني شغلت روحي.. بس نمت عنده مو برا البيت .. من بعدها اشوف عزايم لمطاعمم .. واشوف يحجز مشان نروح السينما سوا .. وغيره وغيره ..

عيشي حياتك .. صدقيني .. راح يفقدك .. ويبعث عنك .. ومراح يتحمل انه ما يكون شي اساسي .. وانه ما تسألين عنه حتى لو مسج ..