تصدقوا بالله انتوا دمكم عسل كلكم
والله انا قعدت أضحك على كلام هرد لحد ما دمعت
والف حمدا لله على سلامتك يا هروده ودايما كررى دعاء( أعوذ بكلمات الله التامات من شر ما خلق) وان شاء الله لن يضرك شيئ
حبيبتى ساندى ماشاء الله عليكى ومبروك النزول فى الوزن
أم جوجو حبيبتى أنا موافقه على تحدى كل باريسا ونوره ومشاعر مرهفه ودلوعة حسين مع انى وزنى اكثر منهم بس ولا يهمنى هأنافسهم غصب عنهم ههههههههه
أختى همس القلوب أهلا بيكى معانا نورتى الموضوع وانتى ولا جيتى متأخره ولا حاجه كلنا كلنا موجودين ومرحبين بانضمام أى عضوة جديدة لنا يالله شدى حيلك وادخلى السباق معانا
حبيباتى الرشيقات
أنا جايه لكم النهارده بأخبار ماشاء الله ماشاء الله تفتح النفس وتشجعنا كلنا
أنا والحمد لله اتبعت رجيم نوع الجسم من يوم الأحد اللى قبل اللى فات يعنى من 13 يوم بالضبط
اتبعته بحذافيره وزى ما قلت لكم قبل كده انا جسمى طلع من النوع التناسلى
خسيت فىى أول خمس ايام 1100 جرام
أما الاسبوع ده































قولوا ماشاء الله تبارك الله




















خسيت 1800 جرام وأصبح وزنى بالضبط وعلى الميزان الجديد 64،5 كيلو والحمد لله حمدا كثيرا طيبا مبارك فيه أما مقاساتى فمحيط الخصر مع الأرداف قل 4 سم عنه منذ اسبوعين وكمان محيط الأوراك خس 3 سم
يعنى بجد يابنات لو اتبعتوا نظام نوع الجسم بس من غير اى لخبطة ولا تزويد من عندكم هتخسوا عليه كويس جدا ان شاء الله وأنا فعلا ما كنتش متوقعة النتيجة دى ابدا وعلشان كده قلت أفرحكم وأشجعكم كمان
أنا عايزه أقول لكم كمان انى بأمشى كل يوم ساعه متواصله
وبأشرب ثلاث اكواب كبيرة ماء مثلج مضافا له ملعقة خل تفاح قبل كل وجبة
يالله يا حلوات ابدأوا كلكم من النهارده وربنا يسهل
آه نسيت اقول لكم انى النهارده أخذت وجبة مفتوحة كانت فطار وأكلت على راحتى فيه يعنى اكلت نصف رغيف عيش ابيض عادى مع بيضة مقليه وأربع وحدات طعمية وملعقة عسل نحل وخضار كثير بس خلاص هأبدأ باذن الله الرجوع للرجيم من دلوقتى
شدوا الهمة المنافسة ستشتعل