السلام عليكم
ما شاء الله من امس لليوم حماااااااااااس تبارك الله لا قوة الا بالله
انا اليوم مرة تعبانة ما ادري ايش بي و ما ابغى اعلق اي شي على حبوب منع الحمل اقول يمكن هذا اول يوم ريجيم كذا لانه ما فيه نقطة سكر !!
لكن بجد السما اليوم مغيمة عندي و من الصداع دوبي صاحية و عندي دوخة فظيعة و كسل
لكن الحمد لله مرة ما فكيت النظام
امس لما عملت الدجاج للعشا كنت ميييييييييييتة جوع و كانت الساعة 12 و من الجوع اكلت بسرعة و شبعت بسرعة
و طبعا شربت الشاهي و اخذت الجلوكوفاج و بعده بساعتين تلاتة استسلمت للنووووووم اللزيز
اليوم صحيت قمة في النكد
الصداع ما راح و الكسل هوا هوا و الجسم مكسسسسسسسسر
و الافظع من كده عندي مغص تقلصات في المعدة !!
هيا بالله قولولي هادا ايش جابو دحين
لو من اكل دسم نقول مافي ولا من كتر الاكل يعني هههههه ما ادري بس صدر من صدور دجاج رضوى ما يشبع و معاه ملعقتين سلطة لبن!! ما اظن يلبد عالمعده ابدا ابدا
الحمد لله على كل حال انا مو طايقة نفسي و للآن طبعا ما ابا افطر المغص ما راح
راح اشرب سفن دايت و اخد حبة بسكوبان يمكن يروح المغص و اخذ بنادول للصداع و لو اني كنت ادمان مسكنات ما ابا ارجعلها تاني الدكتورة خوفتني و قالت احتمال يكون الحمل بكيس بدون جنين هو ادمانك على المهدئات و الادوية و انا في اليوم كنت اخذ 4 سلبادين فوار و اي شي تاني صيدلية في الشنطة معايا
__________________
رب لا تذرني فردا و انت خير الوارثين