دجاج بالحشوه
اكله اوكرانية الاصل مترجمه من موقع اجنبي
المقادير (تكفى 4 أشخاص)
4 صدور فراخ
120 جرام زبدة بدرجة حرارة الغرفة
2 فص توم كبير مفروم
1 ملعقة كرات مفروم ناعم أو ممكن بقدونس حسب الرغبة
بيضتين
2 ملعقة لبن
1/3 كوب دقيق أبيض متبل بملح و فلفل
11/4كوب بقسماط مطحون
الطريقة:
1)أقطعى أى دهون موجودة على صدوى الفراخ, أفردى الصدور بداخل كيس بلاستيك و دقى عليها بأداه مثل يد الهون مثلا لحد ما سمكها يبقى نصف سنتيمتر تقريبا, خلى بالك من انها تتقطع عشان الحشو ميطلعش برة.
2)حطى الزبدة و الثوم فى طبق و اهرسيهم كويس بالشوكة و حطى الكرات و البقدونس عليها و بعدين قسمى الخليط 4 و شكلى كل جزء على شكل اسطوانى.
3)ابدئى بحشو صدور الفراخ زى الصورة و أقفلى الاطراف كويس على الزبدة.
4) حطى صدور الفراخ فى طبق و سيبيهم فى التلاجة لمدة 30 دقيقة.
5) فى طبق عميق اخلطى البيض و اللبن, أغمسى الفراخ فى الدقيق ثم فى الببيض ثم فى البقسماط و بعدين فى البيض و البقسماط تانى علشان نتأكد ان الفراخ قفلت كويس.
6) و بعدين أقلى الكييف فى زيت نباتى لحد ما يبقى لونها دهبى, بتاخد حوالى 8 دقائق على نار هادية.
ممكن تغيري في الحشوه زي ما بدك
ممكن تقدم مع بطاطس أو مكرونة, أنا بفضلها سندويتش مع مايونيز و خيار مخلل بتبقى تحفة
__________________
اللهم إسترني فوق الأرض وتحت الأرض ويوم العرض اللهم إستر عيوبي وإغفر ذنوبي وإجعل حياتي برداً وسلاماً كما جعلت النار على إبراهيم برداً وسلاماً اللهم إذقني برد عفوك وحلاوة مغفرتك اللهم سخرلي وإختر لي فإني قد عجزت عن صلاح نفسي وفوضت امري إليك سبحانك
التعديل الأخير تم بواسطة gawlp ; 18-05-2009 الساعة 05:38 AM
السبب: طمس الروابط الموجودة على الصور