شوفي ياهدى أنا متفهمة كامل الموقف وأعذرك 100%

لأن بعد مو سهلة ، تعيش معه لحظات فيها أسمى معاني الحب ، وبعدين تكتشف انه كان في هاللحظات يضحك عليها وناوي يعاقبها مو ناوي يبسطها

وهي اللي كانت تحسبه صادق في كل كلمة
يطلع يمثل !

لكن لما قلتي ياأختي انه صارحك ، وبكى ومتعلق فيك بشدة .. يمكن كان فعلاً عايش هذيك اللحظات بس بعد ماخلص قال خل أعاقبها .. وباين انه من النوع الي يضمر وماينسى لكن معليش حتى احنا الحريم والبنات أحيانا كذا

المهم الحين كويس انك لازلتي تحملين مشاعر طيبة وماتنوين إنهاء الخطبة
لكن أتفهم عدم ثقتك فيه ولك عذرك

الحين عشان تغسلين قلبك تماماً وتبدؤون بداية جديده مافيه مثل المكاشفة والمصارحة بهدوء
عادي افتحي معه الموضوع
قولي له لما يقول لك كلمة حب : عاد تصدق اني بعد هذيك المرة صرت أخاف كلما تقول لي كلمة حلوة..
وشوفي رده عليك .. ابدأي بالموضوع على راحتك

المهم تبينين له ان حركته جدا سيئة وخوفيه قولي له كان ممكن تأثر على علاقتنا لأن أهم شي عندي الثقة والصدق

وبكذا بتبدأون بداية جديدة ، والله يوفقك