ياحياااااااااااتي يا ام سلطان

لا تخافي ياقلبي غالبا الولادة الثانية تكون اسهل من الاولى لانه خلاص الحوض اصبح مهيأ مو زي اول

الله يرزقك ولادة سهلة ميسرة ياااااااااااارب اسهل من ولادتي حتى

سبحان الله قبل ولادتي بيوم كانت ملكة أخت زوجي في البيت وتعرفي في البيت يزيد التعب على أهل العريس والعروسة

وهي أخته الوحيدة تقريبا لانه الكبيرة متزوجة

فكان الشغل كله عليا

وثاني يوم بدأ الالم بس ما رحت المستشفى على طول .. خلاص الوحدة في الولادة الثانية تصير عندها خبرة

جلست أحسب كم المدة بين كل طلقة والثانية

كانت كل ثلث ساعة ونزلت السدادة

عرفت اني راح اولد

قلت خليني أنام ورايا دوري ولازم آخذ الكأس

ولما صحيت من النوم انتظم الطلق وصار كل خمس دقايق

قلت لسلفتي ايش رايك اروح المستشفى ولا لا

قالت لي ترى موضة هالايام اللي تولد في البيت واللي في السيارة

واذا مالحقتي عمرك راح تكوني منهم

وفعلا رحت المستشفى

ما امداني دخلت غرفة الولادة أذان الفجر الساعة 4 ونص

ما صارت الساعة 6 الا والكتكوتة في يدي

الملكة كانت الثلاثاء وانا ولدت صباح الخميس

الله يرزقك ياااااااارب ولادة اسهل من ولادتي

وعلى فكرة من تجربتي في الولادتين

مانفعني لا قرفة ولا زيت سمسم ولا حليب الطلق اللي طالعين فيه هالايام

بس من جد مانفعني شي زي التمر .. في ولادتي الاولى كان موسم الرطب في الصيف وكنت آكل كراتين كراتين منه

وفي ولادتي الثانية مالقيت رطب .. اكلت تمر سكرية الييين طلع من عيوني

اذكر وانا اكلم سلفتي قبل اروح المستشفى كانت التمرة في يدي

ومن قوة الطلقة اللي جاتني حطيت التمرة في الصحن ماقدرت اكملها

يعني لآخر لحظة وأنا آكل تمر

فلا تنسي التمر ابدااا يكفي انه الله وصانا فيه في القرآن

والشي الثاني .. الاستغفاااااااااااااار

في كل لحظة ودقيقة كنت استغفر الله ،، والحمد لله اللي يكون مع الله .. ربي يكون معاه .. واقولك مقولتي الشهيرة ( كن مع الله ولا تبالي )

الله ييسر لك يارب

وهااا .. لاتنسيني من دعائك

انا مع تسارع الاحداث مرررة نسيت الدعاء

فديتك ادعي بشكل خااااص لاختي انه ربي يسخر لها ابن الحلال اللي يخاف الله فيها ويريح قلبها وخاطرها

لاتنسي هذه الدعوة الله يسعدك

الله يقومك بالسلامة يارب ويفرحنا فيكي وفي الكتكوتة الحلوة