المشاركة الأصلية كتبت بواسطة وميض الخيال

السلام عليكم ورحمه الله وبركاته
اهلا عزيزتي
اتمنى لكي السعاده يارب والتوفيق معاه وان الله يسخره لكي
عزيزتي انا كنت اعاني من نفس مشكلتك مع خطيبي
بس صراحه هو ماكان يدخن قدامي
وكان يحاول يخبي علي مع اني كفشته من اول مره
سبحان الله عندي حساسيه من الدخان ومااحبه
المهم انا مابداءته بالنهي واقوله ليش ماسويت وليش ماتتركه لانه هذا الشيء ينفر الرجال
يعني تعرفي الرجال بطبيعتهم مايحبوا الاسلوب الامر
لا اخذته على هواده وجبتها له من طريقه ثانيه
اول شيء قلت له يعجبني فيك اصرارك على الشيء وطموحك ويعجبني فيك انك لما تصر على شيء تناله
شوي شوي بداءت اقوله تصدق نعمه من الله ان يكون الواحد عنده صحه ويرزق باطفال سلمين
وبعدين فتحت معاها موضوع الدخان اني احبه واخاف على صحته وابغى يعيش معايا سنوات عديده ومديده وهو بكامل صحته وقوته
وبعدين قلت له تعال نتعاهد انا وانت انه نحافظ على صحتنا المهم هو اقتنع بكلامي وقالي بصراحه انا ماقدر ابطل على طول لكن اوعدك اخفف منه
وفعلا صار يشتري اخف نوع في نكوتين وبعدين مره نزلت صيدليه واشتريت له لصقات النكوتين اللي تساعد على منع الدخان ودواء نكوتين واشتريت له معطر للفم وشويه اشياء كذا بسيطه زيت مساج وحركات دلع ولفيتها له بهديه واعطيتها هي وقلت له لاتفتحها الا بالبيت والحمد لله فعلا صار يستخدمها
وبداء يقل شوي شوي والحمد لله الحين بطل تمام وماعاد رجع له
اللهم لك الحمد فانتي ممكن عزيزتي اي سلوك مايعجبك فيه تغيري بس مع الوقت والكلمه الطيبه
وعلى فكره ترى طبيعي انك تخجلي انك تكلمي خصوص برضوا مع انه لكي 9 شهور معه يعتبر لسه ماعرفتي زين ولا عرفتي طبعا وممكن ماتعرفي توصلي له قصدك بس صدقيني مره عن مره راح تقدري ومثل ماقلت لكي لاتتبعي اسلوب النصح المباشر
حاولي دائما انك تجيله بطريقه ثانيه
وان شاء الله يارب يصلحك هو ويسخره لكي يارب
احترامي
وميض