[SIZE=5]السلام عليكم ورحمة الله وبركاته
أولا أحب ابارك لشريكتى وحبيبتى باريسا اللى رفعت راسى عاليا وسط الفرق كلها وعقبال يارب ما توصلى للوزن اللى انتى حاباه
وكمان ابارك لأختنا الحبيبة دودى ماشاء الله يادودى هأبارك لك اولا على الاشراف الف مبروك وعلى رأى ام جوجو بقى لنا ظهر نحتمى فيه وهنرغى براحتنا ولا ايه رأيك
والف مليون مبروك على نزول ال2 كيلو انجاز رائع ومجهود كبير ويارب يارب تستمرى دايما على كده
وكمان الف مبروك لأختى مشاعر وولا تزعلى نفسك حتى النصف كيلو انجاز خصوصا ان وزنك مش كبير يعنى والاوزان الصغيره دى مش بتنزل بسهوله ابدا شدى حيلك وان شاء الله المرة الجايه تبشرينا بنزول اكثر
وكمان اختى الجنة غايتى الف مبروك النصف كيلو ومنتظرين تحطيم كل الأرقام القياسيه بعد انتهائك من الامتحانات وبالنجاح ان شاء الله
أختى الأوزون ولا يهمك بس لازم تتعلمى درس مهم من اللى حصل معاكى وهو ان الرياضه هى العامل الرئيسى لتحريك الوزن مع الرجيم يالله منتظرة اخبار افضل الاسبوع القادم باذن الله
حبيبتى أم جوجو الغاليه والله زعلت جدا لنتيجتك مع انى كنت حاسه انك هتعملى نتيجه كويسه الاسبوع ده طيب ارجعى تانى للأسئلة جايز تكونى حددتى نوع جسمك غلط وجايز الرجيم ده ما ناسبكيش وجايز كمان جسمك بيقاوم ولو استمرتى تلاقيه الاسبوع الجاى انهار وما قدرش يقاوم وتلاقى وزنك نزل كويس جدا عموما الله يوفقك فى اى رجيم هتتبعيه واحنا معاكى ومنتظرين الأخبار الحلوة الجمعة اللى جايه باذن الله
أما عنى أخبارى أنا فنزلت الاسبوع ده 1100 جرام والحمد لله وأصبح وزنى الجديد 63،4 والحمد لله وكمان مقاس الفخذ نزل 1 سم عن الاسبوع السابقوالخصر لم يغير والبطن مع الأرداف نزلت 2 سم والحمد لله
ولكنى حابه اكلمكم شويه عن نظامى الاسبوع اللى فات كله
أنا اتشجعت من نتيجة الاسبوع اللى قبله وكان املى جدا انزل كيلو ونصف الاسبوع ده يعنى ابقى 63 كيلو بالتمام علشان اعمل رجيم الثلاث كيلوات الأخيره الاسبوع ده وابقى وصلت لل60 فقلت طيب ازود الرياضه وازود شرب الماء ولعبت على العاملين دول فبقيت بأمشى يوميا ساعتين بدل الساعه ولكنهما منفصلتين يعنى ساعه فى الظهر بعد الغذاء وساعه فى المساء بعد العشاء وبقيت بأشرب ليتر كامل من الماء البارد قبل كل وجبه مضافا له خل التفاح طبعا ولكننى اصبحت لا افطر لأنى بأصحى متأخره وكمان كنت بدأت آخذ حبوب الميتفورمين ( بأوامر الطبيب) اللى بتمنع امتصاص السكر اللى داخل للجسم فأصبح جسمى لا يستفيد من الفاكهه اللى داخله له فحسيت ان نظام الرجيم اتلخبط لأنه قائم على تحفيز الغده التناسليه عن طريق اكل الفاكهه وفعلا ده اللى حصل جسمى اتلخبط وما نزلش ابدا فأنا قست نفسى فى اليوم الرابع وما نزلتش ولا كيلو بل زدت 100 جرام فقررت فورا انى امتنع عن الحبوب لحد ما اخلص الرجيم وقللت الرياضه لساعه زى ما كانت والماء لثلاثاكواب زى ماكنت والحمد لله النتيجه جاءت اليوم مطمئنة وان كانت اقل مما كنت ارجو لكن الطمع وحش الحمد لله على كده
وكمان فكرت انه يمكن موضوع الوجبه المفتوحه ده غلط فى الرجيم ده يمكن ما يتناسبش معاه خصوصا انهم مش كاتبين على اى وجبه مفتوحه فيه لأنى فى اول اسبوعين لم اتناول اى وجبات مفتوحه وكن الاسبوع اللى فات ده اكلت وجبه مفتوحه لكن برده النهارده هأكل وجبة غذاء مفتوحه لأنى حاسه انى هأموت من الجوع بقى لى 3 ايام جوعانه ياناس ومن بكره ان شاء الله هأبدأ اسبوع الثلاث كيلوات الأخيره وربنا معايا بقى لأنى داخله على مجاعة حقيقية
التعديل الأخير تم بواسطة sa33 ; 22-05-2009 الساعة 01:27 PM