أختى دلال حفظكى الله من كل سوء ، رأيى فى موضوعك انك تعرضى خطيبك على طبيب نفسى لأنه من الواضح عنده انفصام فى الشخصية تقولى بيكون حنين جدا وفجأة ينقلب 180 درجة واذا حدث تحسن بعد العلاج فعلى بركة الله اتمموا الزواج وان لم يكن هناك تحسن فنصيحتى لكى ترك هذا الشخص الذى ليس فى مستواكى العلمى ولا الأدبى وده هيخليه دايما حاسس بعقدة النقص وانك انتى احسن منه علما ، فيا أخيتى انتى على بر الأمان ايه اللى يجبرك ترتبطى بواحد معقد نفسيا وثقى تماما فى الله سبحانه وتعالى ان نصيبكى موجود وهيرزقكى بابن الحلال اللى يسترك ويشيلك جوه عيونه مش واحد لسه انتم فى الخطبة وهيجيبلك الجنان امال لما تتزوجوا هيعمل فيكى ايه ، الزواج هو أُلفة وتآلف وهو مودة ورحمة ومحبة فاين المودة وانت فى احلى فترة يجب فيها كل واحد ان يبرهن للطرف الآخر انه بيوده ويحترمه ويضحى من اجله ،،، فاستخيرى ربكى سبحانه وتعالى واذا لم تتورطى معه فى اى شىْ فثقى تماما ان الانفصال عن هذا النوع من الشخصيات احسن وربنا شرع الطلاق فى حالة استحالة استمرار الزواج وانتى لسه مخطوبه يعنى لسه على بر الأمان ،،، أسأل الله ان ينير طريقكى ويهديكى الى الصراط المستقيم وان ييسر لكما الزواج ان كان فيه خيرا . " ربنا لاتزغ قلوبنا بعد إذ هديتنا وهب لنا من لدنك رحمة إنك أنت الوهاب ، ربنا إنك جامع الناس ليوم لاريب فيه ، إن الله لايخلف الميعاد " صدق الله العظيم